|
|
 |
| (GMT+08:00)
2007-12-11 11:29:11
|
 |
|
ວິສາຫະກິດຂະໜາດກາງແລະນ້ອຍຂອງຈີນເສີມຂະຫຍາຍບົດບາດນັບມື້ນັບຫຼາຍ
cri
ຕາມຂ່າວສານຊິນຮວາ,ໃນກອງປະຊຸມວຽກງານວິສາຫະກິດຂະໜາດກາງແລະນ້ອຍທົ່ວປະເທດຈີນທີ່ຈັດຂຶ້ນໃນວັນທີ10ທັນວານີ້,ທ່ານໂອຊິນສຽນ ຮອງປະທານຄະນະກຳມະການການພັດທະນາແລະການປະຕິຮູບແຫ່ງລັດຈີນຊີ້ອອກວ່າ,ໃນຫຼາຍປີມໍ່ໆມານີ້,ວິສາຫະກິດຂະໜາດກາງແລະນ້ອຍຂອງຈີນໄດ້ເສີມຂະຫຍາຍບົດບາດນັບມື້ນັບຫຼາຍໃນການເຮັດໃຫ້ເສດຖະກິດຈະເລີນຮຸ່ງເຮືອງ,ເພີ່ມຕຳແໜ່ງວຽກງານແລະຊຸກຍູ້ການປະດິດສ້າງ,ແລະໄດ້ກາຍເປັນກຳລັງສຳຄັນທີ່ຊຸກຍູ້ການພັດທະນາກຳລັງການຜະລິດສັງຄົມແລະການສ້າງສາສັງຄົມສັງຄົມນິຍົມທີ່ກົມກຽວກັນ.
ທ່ານໂອຊິນສຽນກ່າວວ່າ,ວິສາຫະກິດຂະໜາດກາງແລະນ້ອຍປະກອບສ່ວນນັບມື້ນັບຫຼາຍເຂົ້າໃນການຊຸກຍູ້ໃຫ້ເສດຖະກິດຈີນເຕີບໂຕຂຶ້ນ,GDP, ລາຍຮັບດ້ານອາກອນແລະມູນຄ່າການຄ້າຂາເຂົ້າຂາອອກໄດ້ກວມ50%ຂຶ້ນໄປຂອງທົ່ວປະເທດ.ວິສາຫະກິດເຫຼົ່ານີ້ໄດ້ກາຍເປັນຊ່ອງທາງສຳຄັນໃນການເປີດກວ້າງການປະກອບອາຊີບ,ໄດ້ສະໜອງຕຳແໜ່ງວຽກງານ75%ຂຶ້ນໄປ,ມີບົດບາດນັບມື້ນັບຫຼາຍຂຶ້ນໃນການບຸກເບີກຕະຫຼາດ,ຊຸກຍູ້ການຮ່ວມມືກັບຕ່າງປະເທດ.
ນັບມາຮອດປັດຈຸບັນ,ຍອດຈຳນວນວິສາຫະກິດຂະໜາດກາງແລະນ້ອຍທີ່ຂຶ້ນທະບຽນໃນພະແນກອຸດສາຫະກຳການຄ້າແຫ່ງຕ່າງໆຂອງຈີນໄດ້ຫຼາຍກວ່າ4ລ້ານ3ແສນແຫ່ງ.
|
|
|
