|
|
 |
| (GMT+08:00)
2007-12-12 19:08:26
|
 |
|
ຄຸນນະພາບເຄື່ອງຫຼິ້ນຂອງຈີນມີການຮັບປະກັນແລະປອດໄພ
cri
ຕາມຂ່າວສານຊິນຮວາ: ວັນທີ12ທັນວານີ້ ໃນງານປ່າວຂ່າວທີ່ຈັດຂຶ້ນໃນໄລຍະການປຶກສາຫາລືເສດຖະກິດຍຸດທະສາດຈີນອາເມລິກາຄັ້ງທີ3 ທ່ານຫຼີຊາງຈ່ຽງ ຫົວໜ້າກົມໃຫຍ່ກວດສອບຄຸນນະພາບແລະກວດກາພະຍາດແຫ່ງຊາດຈີນກ່າວວ່າ,ຄຸນນະພາບເຄື່ອງຫຼິ້ນຂອງຈີນມີການຮັບປະກັນແລະປອດໄພ,ເຄື່ອງຫຼິ້ນຈີນທີ່ຄຸນນະພາບດີແລະລາຄາຖືກຍ່ອມຈະໄດ້ຮັບຄວາມຊົມເຊີຍຂອງເດັກນ້ອຍບັນດາປະເທດໃນໂລກ.
ທ່ານກ່າວວ່າ,ຍ້ອນເຄື່ອງຫຼິ້ນກ່ຽວພັນເຖິງສຸຂະພາບຂອງເດັກນ້ອຍ,ຈີນໄດ້ຕິດຕາມຄຸ້ມຄອງຂັ້ນຕອນການຜະລິດ ປຸງແຕ່ງແລະສົ່ງອອກເຄື່ອງຫຼິ້ນຢ່າງເຄັ່ງຄັດ,ປະຕິບັດລະບອບໃບອະນຸຍາດ.ພາກສ່ວນກວດສອບຄຸນນະພາບແລະກວດກາພະຍາດຍັງປະຕິບັດລະບອບຈົດທະບຽນຕໍ່ວິສາຫະກິດທີ່ສະໜອງວັດຖະດິບໃຫ້ວິສາຫະກິດຜະລິດເຄື່ອງຫຼິ້ນ.ໂດຍແນໃສ່ຫວ່າງມໍ່ໆນີ້ ເຄື່ອງຫຼິ້ນບາງຢ່າງຖືກຮຽກຄືນຍ້ອນສາເຫດບໍ່ປອດໄພ,ກົມໃຫຍ່ກວດສອບຄຸນນະພາບແລະກວດກາພະຍາດແຫ່ງຊາດຈີນສະເໜີອີກວ່າ,ຈະກວດກາແຜນການອອກແບບທີ່ນັກທຸລະກິດຂາເຂົ້າເອົາໃຫ້ນັ້ນຈາກດ້ານຄວາມປອດໄພ,ເຊື່ອວ່າຜ່ານຈາກມາດຕະການເຫຼົ່ານີ້,ຄຸນນະພາບເຄື່ອງຫຼິ້ນຂອງຈີນແມ່ນມີການຮັບປະກັນແລະປອດໄພ.
|
|
|
