|
ຕາມຂ່າວCRI: ຫວ່າງມໍ່ໆນີ້ ກອງປະກອບອາວຸດຕ້ານລັດຖະບານຊູດັງໄດ້ຫຼອນໂຈມຕີບໍ່ນ້ຳມັນແຫ່ງໜຶ່ງທີ່ຄົນຈີນຄຸ້ມຄອງ,ກ່ຽວກັບເລື່ອງນີ້ ວັນທີ13ທັນວານີ້ ທ່ານຊິນກ່າງ ໂຄສົກກະຊວງການຕ່າງປະເທດຈີນໄດ້ກ່າວຢູ່ປັກກິ່ງວ່າ, ຝ່າຍຈີນຮຽກຮ້ອງໃຫ້ຝ່າຍທີ່ກ່ຽວຂ້ອງຂອງຊູດັງໃຊ້ມາດຕະການຕົວຈິງເພື່ອຮັບປະກັນຄວາມປອດໄພຂອງອົງການແລະພະນັກງານຈີນຢູ່ຊູດັງ.
ທ່ານກ່າວເນັ້ນວ່າ,ການຮ່ວມມືໄມຕີຈິດລະຫວ່າງຈີນກັບຊູດັງແມ່ນສ້າງຂຶ້ນບົນພື້ນຖານເຄົາລົບກັນ ສະເໝີພາບ ຕ່າງຝ່າຍຕ່າງມີຜົນປະໂຫຍດ ແລະພ້ອມກັນພັດທະນາ. ການຮ່ວມມືໄດ້ຊຸກຍູ້ການພັດທະນາເສດຖະກິດຂອງຊູດັງ,ກໍໄດ້ນຳເອົາຜົນດີຕົວຈິງໃຫ້ປະຊາຊົນຊູດັງ;ບໍລິສັດຈີນຍັງຕັ້ງໜ້າເຂົ້າຮ່ວມພາລະກິດສາທາລະນະປະໂຫຍດຂອງທ້ອງຖິ່ນ,ໄດ້ປະກອບສ່ວນອັນຕັ້ງໜ້າເຂົ້າໃນການຊຸກຍູ້ການພັດທະນາເສດຖະກິດແລະສັງຄົມຂອງຊູດັງ.ສະນັ້ນ,ການກະທຳໃດໆທີ່ຂົ່ມຂູ່ຄວາມປອດໄພຂອງອົງການແລະພະນັກງານຈີນຢູ່ຊູດັງນັ້ນ,ລ້ວນແຕ່ແມ່ນຮັບເອົາບໍ່ໄດ້.
|
