|
|
 |
| (GMT+08:00)
2007-12-14 17:19:26
|
 |
|
6 ປະເທດອະນຸພາກພື້ນແມ່ນ້ຳຂອງເຊັນຖະແຫລງການຮ່ວມກ່ຽວກັບຂະບວນການຕໍ່ຕ້ານການຄ້າມະນຸດ
cri
ຕາມຂ່າວ cri:ວັນທີ 14 ທັນວານີ້ ກອງປະຊຸມປຶກສາຫາລືລະດັບລັດຖະມົນຕີຂອງການຮ່ວມມືອະນຸພາກພື້ນແມ່ນ້ຳຂອງກ່ຽວກັບການຕໍ່ຕ້ານການຄ້າມະນຸດຄັ້ງທີສອງໄດ້ຈັດຂຶ້ນຢູ່ປັກກິ່ງ. ເຈົ້າຫນ້າທີ່ລັດຖະບານຂອງ 6 ປະເທດຄືຈີນ ກຳປູເຈຍ ລາວ ມຽນມາ ໄທແລະຫວຽດນາມໄດ້ເຊັນຖະແຫລງການຮ່ວມກ່ຽວກັບຂະບວນການອະນຸພາກພື້ນແມ່ນ້ຳຂອງຮ່ວມມືຕໍ່ຕ້ານການຄ້າມະນຸດ.
ຖະແຫລງການກ່າວຢ້ຳອີກເທື່ອຫນຶ່ງເຖີງຫລັກການແລະຈິດໃຈບົດບັນທຶກຊ່ວຍຈຳກ່ຽວກັບການຮ່ວມມືຕໍ່ຕ້ານການຄ້າມະນຸດຂອງອະນຸພາກພື້ນແມ່ນ້ຳຂອງ.ຖະແຫລງການໃຫ້ຄຳຫມັນສັນຍາວ່າເພື່ອປ້ອງກັນບໍ່ໃຫ້ເກີດການຄ້າມະນຸດແລະປ້ອງກັນບໍ່ໃຫ້ຜູ່ກ່ຽວຖືກທຳຮ້າຍ, ການເຄື່ອນໄຫວຂອງຝ່າຍທາງການຄວນປົກປ້ອງຄວາມປອດໄພທາງຮ່າງກາຍ ກຽດສັກສີແລະສິດປະໂຫຍດຂອງຜູ່ຖືກທຳຮ້າຍ.
ໃນເວລາເຂົ້າຮ່ວມກອງປະຊຸມ, ທ່ານເມິ້ງຈ້ຽນຈູ້ ລັດຖະມົນຕີວ່າການກະຊວງປ້ອງກັນຄວາມສະຫງົບຂອງຈີນກ່າວວ່າ, ໃນບາດກ້າວຕໍ່ໄປ,ລັດຖະບານຈີນຈະປະຕິບັດຕາມຄຳຫມັ້ນສັນຍາ, ອີງຕາມເປົ້າຫມາຍທີ່ແຜນການດຳເນີນງານຂອງອະນຸພາກພື້ນກຳນົດໄວ້,ປະສານສົມທັບກັບສະພາບຕົວຈິງຂອງປະເທດຕົນ, ເພີ່ມທະວີວຽກງານຕໍ່ຕ້ານການຄ້າມະນຸດ,ທຳຄວາມພະຍາຍາມຢ່າງບໍ່ລົດລະເພື່ອກຳຈັດແລະຫລຸດອາຊະຍາກຳຄ້າມະນຸດ.
|
|
|
