|
|
 |
| (GMT+08:00)
2007-12-15 17:57:26
|
 |
|
ຝ່າຍຈີນສະແດງຄວາມສົງໃສຕໍ່ກອງປະຊຸມດິນຟ້າອາກາດບັງຄັບໃຫ້ອະນຸມັດຮ່າງເອກກະສານທີ່ບໍ່ທັນກ້າວເຖິງຂັ້ນຕົກລົງກັນ
cri
Author: mo
ຕາມຂ່າວສານຊີນຮວາ: ວັນທີ 15 ທັນວານີ້, ຄະນະຜູ້ແທນຈີນທີ່ເຂົ້າຮ່ວມກອງປະຊຸມສະຫະປະຊາຊາດກ່ຽວກັບການປ່ຽນແປງຂອງດິນຟ້າອາກດໄດ້ສະແດງຄວາມບໍ່ພໍໃຈຕໍ່ກອງປະຊຸມທີ່ບັງຄັບໃຫ້ອະນຸມັດເອກະສານສະບັບຮ່າງທີ່ບໍ່ທັນກ້າວເຖີງຂັ້ນຕົກລົງກັນນັ້ນສອງເທື່ອ, ແລະສະແດງຄວາມສົງໃສຕໍ່ຄວາມຍຸດຕິທຳຂອງລະບຽບກອງປະຊຸມ.
ກອງປະຊຸມຄັ້ງນີ້ແຕ່ເດີມຕົກລົງຈະສິ້ນສຸດລົງໃນວັນທີ 14 ທັນວານີ້, ແຕ່ມາຮອດຕອນເດິກ 2 ໂມງຂອງວັນທີ 15 ທັນວາ, ຝ່າຍຕ່າງໆທີ່ຮ່ວມປະຊຸມຍັງບໍ່ທັນໄດ້ລົບລ້າງຄວາມເຫັນຂັດກັນເທື່ອ. ວັນທີ 15 ທັນວານີ້, ທ່ານຮາຊານ ວີລາຢູດາ ລັດຖະມົນຕີວ່າການກະຊວງການຕ່າງປະເທດອິນໂດເນເຊຍ ປະເທດເຈົ້າພາບໄດ້ຮຽກໂຮມໃຫ້ຜູ້ຮັບຜິດຊອບຂອງຄະນະຜູ້ແທນກຸ່ມ 77 ປະເທດແລະຈີນຈັດກອງປະຊຸມໂດຍສະເພາະເພື່ອຫາລືມາດຕາທີ່ຍັງມີຄວາມເຫັນຂັດກັນໃນມະຕິກອງປະຊຸມສະບັບຮ່າງ. ແຕ່ໃນກໍລະນີທີ່ກອງປະຊຸມສະເພາະຍັງບໍ່ທັນສິ້ນສຸດລົງ, ກອງປະຊຸມກໍໄດ້ຮຽກຮ້ອງສອງເທື່ອໃຫ້ປະເທດທີ່ຮ່ວມປະຊຸມຫາລືແລະຮັບຮອງເອົາຮ່າງມະຕິທີ່ຍັງມີຄວາມເຫັນຂັດກັນ. ເມື່ອຄະນະຜູ້ແທນຈີນສະແດງຄວາມສົງໃສແລ້ວ, ກອງປະຊຸມຈຶ່ງໄດ້ເຊົາປະຊຸມຊົ່ວຄາວ.
|
|
|
