|
|
 |
| (GMT+08:00)
2007-12-17 10:53:58
|
 |
|
ຈີນຈະເລັ່ງລັດຍົກຄຸນນະພາບແລະລະດັບດຶງດູດເອົາທຶນຕ່າງປະເທດໃຫ້ສູງຂຶ້ນ
cri
Author: mo
ຕາມຂ່າວCRI: ວັນທີ 16 ທັນວານີ້, ຢູ່ທີ່ປັກກິ່ງ, ທ່ານສືກວາງເສີ່ງ ຮອງຫົວໜ້າຄະນະກຳມາທິການການເງິນເສດຖະກິດຂອງສະພາປະຊາຊົນແຫ່ງຊາດຈີນກ່າວວ່າ, ຈີນຈະເລັ່ງລັດຍົກຄຸນນະພາບແລະລະດັບການດຶງດູດທຶນຕ່າງປະເທດໃຫ້ສູງຂຶ້ນ.
ໃນເວທີປາໄສນັກເສດຖະສາດຈີນຄັ້ງທີ 9 ທີ່ຈັດຂຶ້ນໃນມື້ດຽວກັນ, ທ່ານສືກວາງເສີ່ງກ່າວວ່າ, ຈີນຈະສົ່ງເສີມໃຫ້ນັກທຸລະກິດຕ່າງປະເທດລົງທຶນໃນຂະແໜງຜະລິດຕະກຳເຕັກນິກສູງແລະໃໝ່, ຜະລິດຕະກຳປຸງແຕ່ງທີ່ກ້າວໜ້າແລະການອະນຸລັກສິ່ງແວດລ້ອມ. ຫ້າມເດັດຂາດບໍ່ໃຫ້ນັກທຸລະກິດຕ່າງປະເທດລົງທຶນໃນດ້ານອຸດສາຫະກຳທີ່ສີ້ນເປື້ອງພະລັງງານຫຼາຍ ສ້າງມົນລະພິດຮ້າຍແຮງ ແລະສີ້ນເປືອງຊັບພະຍາກອນຫຼາຍນັ້ນ, ສົ່ງເສີມໃຫ້ບໍລິສັດຂ້າມຊາດສ້າງສູນຄົ້ນຄວ້າພັດທະນາລະດັບສູງຢູ່ຈີນ.
ຕາມບົດລາຍງານການລົງທຶນຂອງໂລກປີ 2007 ທີ່ກອງປະຊຸມການຄ້າແລະການພັດທະນາຂອງສະຫະປະຊາຊາດປະກາດ, ປີກາຍນີ້, ຈີນໄດ້ດຶງດູດທຶນໂດຍກົງຈາກຕ່າງປະເທດໄດ້ຫຼາຍ ເປັນອັນດັບທີ 5 ຂອງໂລກ. ນັບມາຮອດທ້າຍເດືອນພະຈິກປີນີ້, ທົ່ວໂລກມີ 190 ກວ່າປະເທດແລະເຂດແຄວ້ນມາລົງທຶນຢູ່ຈີນ, ໃນຕົວຈິງແລ້ວ ຈີນໄດ້ນຳໃຊ້ທຶນຕ່າງປະເທດຫຼາຍກວ່າ 747 ຕື້ກວ່າໂດລາ.
|
|
|
