|
|
 |
| (GMT+08:00)
2007-12-17 11:41:44
|
 |
|
ແຂວງຢຸນນານພິມຈຳໜ່າຍແບບຮຽນຊັ້ນປະຖົມພາສາຊົນເຜົ່າສ່ວນໜ້ອຍ 18 ຊະນິດ
cri
Author: mo
ຕາມຂ່າວສານຊີນຮວາ: ກອງປະຊຸມໜ່ວຍງານຊົນເຜົ່າແຂວງຢຸນນານແຈ້ງໃຫ້ຊາບວ່າ, ນັບມາຮອດປັດຈຸບັນ, ແຂວງຢຸນນານທີ່ມີ 25 ຊົນເຜົ່າສ່ວນໜ້ອຍໄດ້ຮຽບຮຽງ ແປກວດກາ ແລະພິມຈຳໜ່າຍແບບຮຽນຊັ້ນປະຖົມພາສາຊົນເຜົ່າສ່ວນໜ້ອຍ 18 ຊະນິດ.
ພະນັກງານຂອງສຳນັກພິມຈຳໜ່າຍຊົນເຜົ່າແຂວງຢຸນນານທີ່ຮັບຜິດຊອບໜ້າທີ່ພິມຈຳໜ່າຍແບບຮຽນທີ່ເປັນໜັງສືຊົນເຜົ່າສ່ວນໜ້ອຍແຂວງຢຸນນານແຈ້ງໃຫ້ຊາບວ່າ, ປັດຈຸບັນ, ແຂວງຢຸນນານໄດ້ພິມຈຳໜ່າຍແບບຮຽນຊັ້ນປະຖົມທີ່ມີພາສາຊົນເຜົ່າສ່ວນໜ້ອຍກັບພາສາຈີນກາງຄູ່ກັນ 203 ສະບັບ, ໄດ້ໃຊ້ຕົວອັກສອນຂອງ 14 ຊົນເຜົ່າຄືເຜົ່າອີ ເຜົ່າປາຍ ເຜົ່າວາ ເຜົ່າໄທ ເຜົ່າລື້ ເຜົ່າຈ້ວງ ເຜົ່າມົ້ງ ເຜົ່າຕິເບດ ແລະເຜົ່າຢ້າວເປັນຕົ້ນ.
ປັດຈຸບັນ, ແຂວງຢຸນນານໄດ້ພິມຈຳໜ່າຍແບບຮຽນຊັ້ນປະຖົມທີ່ເປັນຕົວອັກສອນຊົນເຜົ່າສ່ວນໜ້ອຍ 1 ລ້ານ 1 ແສນ 2 ໝື່ນກວ່າເຫຼັ້ມ, ພາກສ່ວນການສຶກສາຈະແຈກໃຫ້ນັກຮຽນໃນເຂດທຸກຍາກຂອງຊົນເຜົ່າສ່ວນໜ້ອຍໂດຍບໍ່ໄດ້ເກັບຄ່າ, ຊຶ່ງໄດ້ຮັບຄວາມຊົມເຊີຍຈາກຄູແລະນັກຮຽນໃນເຂດຊົນເຜົ່າສ່ວນໜ້ອຍ.
|
|
|
