|
|
 |
| (GMT+08:00)
2007-12-17 17:49:43
|
 |
|
ປະຊາກອນຜູ່ເຖົ້າຂອງຈີນເພີ່ມຫຼາຍຂຶ້ນ
cri
ຕາມຂ່າວCRI,ວັນທີ17ທັນວານີ້,ຢູ່ທີ່ປັກກິ່ງ,ຫ້ອງການຄະນະກຳມະການວຽກງານຜູ່ເຖົ້າຂອງຈີນໄດ້ເປີດເຜີຍບົດລາຍງານການສຳຫຼວດສະບັບໜຶ່ງເຊິ່ງສະແດງໃຫ້ເຫັນວ່າ,ປະຊາກອນຜູ່ເຖົ້າຂອງຈີນໄດ້ເພີ່ມຂຶ້ນ.
ບົດລາຍງານສະແດງໃຫ້ເຫັນວ່າ,ນັບມາຮອດວັນທີ1ມິຖຸນາປີ2006,ຈີນມີປະຊາກອນຜູ່ເຖົ້າອາຍຸ60ປີຂຶ້ນໄປລວມ146ລ້ານກວ່າຄົນ,ອັດຕາປະຊາກອນຜູ່ເຖົ້າກວມຍອດຈຳນວນປະຊາກອນຈາກ10,2%ໃນປີ2000ເພີ່ມຂຶ້ນຮອດ11,3%.
ການສຳຫຼວດເທື່ອນີ້ໄດ້ດຳເນີນຢູ່20ແຂວງ,ເຂດປົກຄອງຕົນເອງແລະກຳແພງນະຄອນຂອງທົ່ວປະເທດຈີນ,ເປົ້າໝາຍຂອງການສຳຫຼວດແມ່ນພົນລະເມືອງຈີນທີ່ອາຍຸ60ປີຂຶ້ນໄປ.
ຄະນະກຳມະການວຽກງານຜູ່ເຖົ້າຂອງຈີນກ່າວວ່າ,ຈີນຈະຕັ້ງໜ້າຮັບມືກັບປະຊາກອນຜູ່ເຖົ້າເພີ່ມຂຶ້ນ,ສ້າງແລະປັບປຸງກົດໝາຍຂໍ້ກຳນົດແລະນະໂຍບາຍທີ່ກ່ຽວຂ້ອງໃຫ້ສົມບູນຂຶ້ນ,ປັບປຸງລະບົບຮັບປະກັນລ້ຽງດູຜູ່ເຖົ້າໃນທົ່ວສັງຄົມໃຫ້ສົມບູນຂຶ້ນຢ່າງບໍ່ຢຸດຢັ້ງ.
ບັນຫາປະຊາກອນຜູ່ເຖົ້າເພີ່ມຂຶ້ນແມ່ນບັນຫາສັງຄົມທີ່ສຳຄັນອັນໜຶ່ງທີ່ທົ່ວໂລກຮັບຮູ້ດີ.ຈີນແມ່ນປະເທດດຽວທີ່ມີປະຊາກອນຜູ່ເຖົ້າຫຼາຍກວ່າ100ລ້ານຄົນ.
|
|
|
