|
ຜູ່ວ່າການທະນາຄານໂລກຊົມເຊີຍຈີນທີ່ທຳຄວາມພະຍາຍາມເພື່ອຫຼຸດການສິ້ນເປືອງພະລັງງານແລະມົນລະພິດ
cri
ຕາມຂ່າວCRI,ວັນທີ18ທັນວານີ້,ຢູ່ທີ່ປັກກິ່ງ,ທ່ານໂລເບີດໂຈລິກ ຜູ່ວ່າການທະນາຄານໂລກກ່າວວ່າ,ທ່ານຊົມເຊີຍຈີນທີ່ເສີມຂະຫຍາຍບົດບາດໃນການພັດທະນາທົ່ວໂລກແລະທຳຄວາມພະຍາຍາມເພື່ອຫຼຸດການສິ້ນເປືອງພະລັງງານແລະການມົນລະພິດສິ່ງແວດລ້ອມ.
ໂດຍຕອບສະໜອງຕາມການເຊີນຂອງລັດຖະບານຈີນ,ທ່ານໂຈລິກໄດ້ມາຢ້ຽມຢາມຈີນແຕ່ວັນທີ14ຫາວັນທີ18ທັນວານີ້.ໃນກອງປະຊຸມຂ່າວທີ່ຈັດຂຶ້ນໃນວັນທີ18ທັນວານີ້,ທ່ານໂຈລິກກ່າວວ່າ,ລັດຖະບານຈີນໄດ້ວາງເປົ້າໝາຍອັນຍິ່ງໃຫຍ່ເພື່ອຍົກສູງປະສິດທິພາບແຫ່ງການນຳໃຊ້ພະລັງງານແລະຫຼຸດການລະບາຍອາຍພິດເຮືອນແກ້ວ.ທ່ານກ່າວວ່າ,ການສະໜັບສະໜູນວຽກງານດ້ານອະນຸລັກສິ່ງແວດລ້ອມຂອງຈີນແມ່ນໜ້າທີ່ສຳຄັນອັນດັບໜຶ່ງຂອງທະນາຄານໂລກຢູ່ຈີນ.
ໃນຫົກເດືອນຕົ້ນປີນີ້,ການສິ້ນເປືອງພະລັງງານຕໍ່ຫົວໜ່ວຍGDP1ໝື່ນຢວນຂອງຈີນໄດ້ຫຼຸດລົງ2,78%.3ໄຕມາດທຳອິດປີນີ້,ການລະບາຍຊຸນເຟີດີອອກຊິດຂອງທົ່ວປະເທດຈີນໄດ້ຫຼຸດລົງ1,81%ເມື່ອທຽບໃສ່ໄລຍະດຽວກັນຂອງປີກາຍ,ແລະໄດ້ປະກົດມີທ່າອ່ຽງທີ່ສືບຕໍ່ຫຼຸດໜ້ອຍລົງ.
|
|
