|
ຈີນວາງຂໍ້ກຳນົດໃໝ່ເພື່ອເຮັດໃຫ້ການຄຸ້ມຄອງຢາປາບສັດຕູພືດເຂົ້າສູ່ລະບຽບແບບແຜນກວ່າເກົ່າ
cri
ຕາມຂ່າວCRI,ວັນທີ19ທັນວານີ້,ຢູ່ທີ່ປັກກິ່ງ,ທ່ານວາງໂສຊົງ ຮອງຫົວໜ້າກົມຄຸ້ມຄອງຂະແໜງການປູກຝັງກະຊວງກະສິກຳຈີນກ່າວວ່າ,ກະຊວງກະສິກຳຈີນໄດ້ວາງຂໍ້ກຳນົດໃໝ່,ເຮັດໃຫ້ການໃສ່ຊື່ຢາປາບສັດຕູພືດແລະອັດຕາສ່ວນທີ່ມີປະສິດທິຜົນຂອງຜະລິດຕະພັນຢາປາບສັດຕູພືດເຂົ້າສູ່ມາດຕະຖານ,ໃຫ້ຮັບປະກັນຄຸນນະພາບແລະຄວາມປອດໄພຂອງຜະລິດຕະພັນກະສິກຳ.
ໃນກອງປະຊຸມຂ່າວຂອງກະຊວງກະສິກຳຈີນທີ່ຈັດຂຶ້ນໃນວັນທີ19ທັນວານີ້,ທ່ານວາງໂສຊົງກ່າວວ່າ,ໃນຫຼາຍປີມໍ່ໆມານີ້,ຄຽງຄູ່ກັບປະຊາຊົນມີຄວາມຮຽກຮ້ອງສູງຂຶ້ນຕໍ່ຄຸນນະພາບຂອງຜະລິດຕະພັນກະສິກຳ,ການຄຸ້ມຄອງຢາປາບສັດຕູພືດໄດ້ຮັບຄວາມສົນໃຈຈາກພາກສ່ວນຕ່າງໆໃນສັງຄົມ,ສະນັ້ນ,ກະຊວງກະສິກຳຈີນໄດ້ວາງຂໍ້ກຳນົດດັ່ງກ່າວ,ແລະຈະເລີ່ມປະຕິບັດໃນເດືອນໜ້າ.
ຂໍ້ກຳນົດດັ່ງກ່າວມີເນື້ອໃນດັ່ງນີ້: ຢາປາບສັດຕູພືດຕ້ອງໃຊ້ຊື່ທົ່ວໄປທີ່ລັດກຳນົດໄວ້,ເຮັດໃຫ້ເຄື່ອງໝາຍແລະຄຳແນະນຳຂອງການໃຊ້ຢາປາບສັດຕູພືດເປັນລະບຽບແບບແຜນ,ແລະເຮັດໃຫ້ອັດຕາສ່ວນທີ່ມີປະສິດທິຜົນຂອງຜະລິດຕະພັນຢາປາບສັດຕູພືດເຂົ້າສູ່ມາດຕະຖານ.
|
|
