|
|
 |
| (GMT+08:00)
2007-12-20 10:49:48
|
 |
|
ທ່ານວາງເຈຍຢຸ້ຍພົບປະກັບທູດພິເສດບັນຫາມຽນມາຂອງສະຫະພາບເອີລົບ
cri
Author: mo
ຕາມຂ່າວສານຊີນຮວາ: ວັນທີ 19 ທັນວານີ້, ຢູ່ທີ່ປັກກິ່ງ, ທ່ານວາງເຈຍຢຸ້ຍ ຫົວໜ້າຄະນະພົວພັນຕ່າງປະເທດຂອງສູນກາງພັກກອມມູນິດຈີນໄດ້ພົບປະກັບທ່ານເພຍໂລ ຟາສີໂນ ທູດພິເສດສະຫະພາບເອີລົບກ່ຽວກັບບັນຫາມຽນມາ.
ສອງຝ່າຍໄດ້ແລກປ່ຽນຄວາມເຫັນທີ່ມີຕໍ່ສະຖານະການມຽນມາແລະໄດ້ບັນລະຍາຍຫຼັກໝັ້ນແລະຫຼັກການຂອງໃຜລາວ. ທ່ານວາງເຈຍຢູ້ຍກ່າວວ່າ, ຝ່າຍຈີນຫວັງຢາກໄດ້ເຫັນມຽນມາທີ່ມີສະຖຽນລະພາບ ປະຊາທິປະໄຕ ພັດທະນາແລະປອງດອງກັນ, ຍິນດີສືບຕໍ່ທຳຄວາມພະຍາຍາມທີ່ມີລັກສະນະສ້າງສັນເພື່ອເລື່ອງນີ້, ຫວັງໃຫ້ປະຊາຄົມໂລກເຮັດວຽກຊຸກຍູ້ຄວາມໄວ້ເນື້ອເຊື່ອໃຈຂອງຝ່າຍຕ່າງໆມຽນມາແລະຊຸກຍູ້ການສົນທະນານັ້ນໃຫ້ຫຼາຍຂຶ້ນ.
ທ່ານຟາຊີໂນກ່າວວ່າ, ສະຫະພາບເອີລົບຍ້ອງຍໍຝ່າຍຈີນທີ່ໄດ້ເຮັດວຽກງານອັນສຳຄັນ ເພື່ອເຮັດໃຫ້ສະຖານະພາບມຽນມາມີສະຖຽນລະພາບ, ຍິນດີສືບຕໍ່ຮັກສາການທຳຄວາມເຂົ້າໃຈແລະຮ່ວມມືຢ່າງໃກ້ຊິດກັບຈີນແລະປະເທດອາຊີທີ່ກ່ຽວຂ້ອງ.
|
|
|
