|
|
 |
| (GMT+08:00)
2007-12-22 17:48:45
|
 |
|
ເວທີປາໄສກັດມັນດູກ່ຽວກັບວັດທະນະທຳຕິເບດຂອງຈີນປິດປະຊຸມ
cri
ຕາມຂ່າວສານຊີນຮວາ:,ເວທີປາໄສກັດມັນດູກ່ຽວກັບວັດທະນະທຳຕິເບດຈີນທີ່ຈັດຂຶ້ນຢູ່ກັດມັນດູໄດ້ປິດປະຊຸມໃນວັນທີ 21 ທັນວານີ້.ວົງການຕ່າງໆໃນສັງຄົມແລະສື່ມວນຊົນສຳຄັນຂອງເນປານເຫັນໂດຍທົ່ວໄປວ່າເວທີປາໄສຄັ້ງນີ້ໄດ້ຊຸກຍູ້ວົງການຕ່າງໆຂອງເນປານເຂົ້າໃຈແລະຮູ້ຈັກວັດທະນະທຳອັນດີເລີດຂອງຕິເບດຈີນ,ມີຄວາມຫມາຍສຳຄັນອັນຕັ້ງຫນ້າຕໍ່ການຊຸກຍູ້ການແລກປ່ຽນວັດທະນະທຳ ແລະຜູກມັດມິດຕະພາບລະຫວ່າງປະຊາຊົນສອງປະເທດ.
ເວທີປາໄສຄັ້ງນີ້ໄດ້ເຮັດໃຫ້ມີຄວາມຮັບຮູ້ເປັນເອກະສັນກັນສີ່ຂໍ້ກ່ຽວກັບການປົກປັກຮັກສາແລະຂະຫຍາຍວັດທະນະທຳຕິເບດຄື:ຫນຶ່ງວັດທະນະທຳຕິເບດແມ່ນພາກສ່ວນປະກອບອັນສຳຄັນຂອງວັດທະນະທຳຈີນ,ແລະກໍ່ແມ່ນຊັບສົມບັດຮ່ວມແຫ່ງຄວາມສີວິໄລຂອງມ່ວນມະນຸດ.ສອງ,ການປົກປັກຮັກສາແລະຂະຫຍາຍວັດທະນະທຳຕິເບດຕ້ອງຖືການປົກປັກຮັກສາຄວາມເປັນເອກະພາບຂອງຊາດເປັນເງື່ອນໄຂເບື້ອງຕົ້ນ.ສາມ, ວັດທະນະທຳຕິເບດຕ້ອງສືບທອດແລະປົກປັກຮັກສາສີສັນພິເສດຂອງຕົນເອງ, ທັງຕ້ອງເປີດປະຕູຕື່ມອີກ,ເດີນໄປສູ່ໂລກ.ສີ່,ວຽກງານປົກປັກຮັກສາແລະຂະຫຍາຍວັດທະນະທຳຕິເບດຕ້ອງການຄວາມເອົາໃຈໃສ່ໃນລະດັບສູງຂອງລັດຖະບານຈີນ,ທັງຕ້ອງການໃຫ້ວົງການຕ່າງໆຂອງສັງຄົມແລະຜູ່ມີໄມຕີຈິດໃນໂລກພ້ອມກັນສະຫນັບສະຫນູນແລະເຂົ້າຮ່ວມ.
|
|
|
