|
ວິສາຫະກິດຊົນນະບົດຂອງຈີນພັດທະນາຢ່າງໜັກແໜ້ນ
cri
ຕາມຂ່າວCRI,ນັບແຕ່ເດືອນມັງກອນຫາເດືອນພະຈິກປີນີ້, ວິສາຫະກິດຊົນນະບົດຂອງຈີນໄດ້ພັດທະນາຢ່າງໜັກແໜ້ນ,ນັບລວມແລ້ວໄດ້ສ້າງມູນຄ່າເພີ່ມ6100ຕື້ກວ່າຢວນ,ເພີ່ມຂຶ້ນຫຼາຍກວ່າໄລຍະດຽວກັນຂອງປີກາຍ14%ຂຶ້ນໄປ.
ກະຊວງກະສິກຳຈີນໄດ້ແຈ້ງຂ່າວດັ່ງກ່າວໃນວັນທີ24ທັນວານີ້.
ໃນດ້ານການສົ່ງອອກ,ນັບແຕ່ເດືອນມັງກອນຫາເດືອນພະຈິກປີນີ້,ການຄ້າສົ່ງອອກຂອງວິສາຫະກິດຊົນນະບົດຈີນໄດ້ເພີ່ມຂຶ້ນເກືອບ20%ເມື່ອທຽບໃສ່ໄລຍະດຽວກັນຂອງປີກາຍ,ອັນໄດ້ມີບົດບາດອັນເດັ່ນຊັດໃນການຊຸກຍູ້ໃຫ້ວິສາຫະກິດຊົນນະບົດພັດທະນາຢ່າງວ່ອງໄວ.
ປັດຈຸບັນ,ວິສາຫະກິດຊົນນະບົດໄດ້ກາຍເປັນເສົາຄ້ຳສຳຄັນຂອງເສດຖະກິດຈີນ,ພ້ອມທັງໄດ້ເສີມຂະຫຍາຍບົດບາດສຳຄັນໃນການແກ້ໄຂບັນຫາປະກອບອາຊີບຂອງແຮງງານເຫຼືອໃນຊົນນະບົດ.
|
|
