|
|
 |
| (GMT+08:00)
2007-12-25 17:31:49
|
|
ປີ້ໄລຍະທີສອງຂອງງານກິລາໂອລິມປິກປັກກິ່ງພາຍໃນຈີນຂາຍດີຫຼາຍ
cri
Author: MO
ຕາມຂ່າວສານຊີນຮວາ: ວັນທີ 24 ທັນວານີ້, ສູນຂາຍປີ້ໂປຄັອກຂອງຄະນະຈັດງານກິລາໂອລິມປິກປັກກິ່ງໄດ້ປະກາດສະພາບການຈອງປີ້ນັບແຕ່ລີ່ມຈຳໜ່າຍໄລຍະທີສອງພາຍໃນແຜ່ນດິນໃຫຍ່ຂອງງານກິລາໂອລິມປິກປັກກິ່ງ, ໄດ້ຮັບໃບຈອງ 3 ແສນ 4 ໝື່ນກວ່າສະບັບເພື່ອຈອງປີ້ 2 ລ້ານ 2 ໝື່ນກວ່າໃບ.
ຕາມສະຖິຕິສະແດງໃຫ້ເຫັນວ່າ, ໃບຈອງປີ້ເທື່ອນີ້ມີ 90% ແມ່ນສະເໜີທາງເວັບໄຊຂາຍປີ້ຂອງທາງການ, ໃນນັ້ນ, ປະຊາຊົນປັກກິ່ງສະເໜີຂໍຈອງປີ້ຫຼາຍກວ່າໝູ່, ມີເຖີງ 1 ແສນ 8 ໝື່ນກວ່າສະບັບ.
ຜູ້ຮັບຜິດຊອບສູນຈອງປີ້ຂອງຄະນະຈັດງານກິລາໂອລິມປິກປັກກິ່ງແຈ້ງໃຫ້ຊາບວ່າ, ຈຳນວນຈອງປີ້ຊົມລາຍການຢິມນັສຕິກ ປິ໋ງປ໋ອງ ໂດດນ້ຳ ຟ້ອນໃນນ້ຳ ແລະກາຍຍະກຳແມ່ນຫຼາຍກວ່າຈຳນວນປີ້ທີ່ຂາຍໄດ້. ນອກນັ້ນ, ຄວາມຕ້ອງການຈອງປີ້ຮອບຊີງຊະນະເລີດບານບ້ວງແລະອື່ນໆກໍຫຼາຍກວ່າປີ້ທີ່ບໍ່ແມ່ນຊີງຊະນະເລີດຂອງລາຍການດຽວກັນຢ່າງເດັ່ນຊັດ.
|
|
|
