|
ຄວາມສາມາດຂອງຕະຫຼາດທຶນຂອງຈີນໃນການຮັບໃຊ້ເສດຖະກິດແຫ່ງຊາດໄດ້ຍົກສູງຂຶ້ນເລື້ອຍໆ
cri
Author: MO
ຕາມຂ່າວCRI: ວັນທີ 25 ທັນວານີ້, ຢູ່ທີ່ປັກກິ່ງ, ທ່ານຊ້າງຝູລິນ ປະທານຄະນະກຳມະການຕິດຕາມຄຸ້ມຄອງຫຼັກຊັບຈີນກ່າວວ່າ, ຄວາມສາມາດຂອງຕະຫຼາດທຶນຂອງຈີນໃນການຮັບໃຊ້ເສດຖະກິດແຫ່ງຊາດພວມຍົກສູງຂຶ້ນເລື້ອຍໆ.
ໃນເວລາເຂົ້າຮ່ວມ"ເວທີປາໄສການທະນາຄານຈີນ2007"ທີ່ຈັດຂຶ້ນຢູ່ປັກກິ່ງໃນມື້ດຽວກັນ, ທ່ານຊ້າງຝູລີນຊີ້ອອກວ່າ, ໃນ 17 ປີອັນສັ້ນໆ, ຕະຫຼາດທຶນຂອງຈີນໄດ້ບັນລຸການພັດທະນາແບບກ້າວກະໂດດ. ນັບມາຮອດທ້າຍເດືອນພະຈິກປີນີ້, ວິສາຫະກິດຈີນໄດ້ລົງທຶນເຂົ້າໃນຕະຫຼາດທຶນຂອງຈີນ 1,810 ກວ່າຕື້ຢວນ. ໃນຂະນະທີ່ສະໜັບສະໜູນການສ້າງສາເສດຖະກິດແຫ່ງຊາດແລະພັດທະນາວິສາຫະກິດນັ້ນ, ຕະຫຼາດທຶນຂອງຈີນໄດ້ເສີມຂະຫຍາຍສະມັດຕະພາບຈັດສັນຊັບພະຍາກອນຂອງຕະຫຼາດ, ໄດ້ເປີດກວ້າງຊ່ອງທາງໃຫ້ປະຊາຊົນໄດ້ຮັບຜົນປະໂຫຍດຈາກການພັດທະນາຂອງເງິນທຶນ.
ພ້ອມກັນນັ້ນ, ທ່ານຊ້າງຝູລິນກ່າວວ່າ, ຈີນຈະຊຸກຍູ້ການສ້າງລະບົບຕະຫຼາດທີ່ມີຫຼາຍລະດັບ, ພັດທະນາຕະຫຼາດສິນເຊື່ອຢ່າງຕັ້ງໜ້າແລະທຸ່ນທ່ຽງ, ແລະຈະສືບຕໍ່ເພີ່ມທະວີການຕິດຕາມກວດກາແລະປະຕິບັດກົດໝາຍ, ປ້ອງກັນແລະແກ້ຄວາມສ່ຽງຂອງຕະຫຼາດທຶນ.
|
|
