|
ຈີນກ່າວວ່າທຸກຄົນໄດ້ຮັບການບໍລິການປິ່ນປົວຂັ້ນພື້ນຖານແມ່ນເປົ້າໝາຍລວມຂອງການປະຕິຮູບໂຄງປະກອບການປິ່ນປົວຂອງຈີນ
cri
ຕາມຂ່າວCRI,ວັນທີ26ທັນວານີ້,ຢູ່ທີ່ປັກກິ່ງ,ທ່ານເສິນຈູ ລັດຖະມົນຕີວ່າການກະຊວງສາທາລະນະສຸກຂອງຈີນກ່າວວ່າ,ເປົ້າໝາຍລວມແຫ່ງການປະຕິຮູບໂຄງປະກອບການປິ່ນປົວແມ່ນສ້າງລະບຽບການປິ່ນປົວພື້ນຖານທີ່ປົກຄຸມປະຊາຊົນຕົວເມືອງແລະຊົນນະບົດ,ຊຸກຍູ້ໃຫ້ທຸກໆຄົນໄດ້ຮັບການບໍລິການປິ່ນປົວພື້ນຖານ.
ທ່ານແຈ້ງໃຫ້ຊາບວ່າ,ຮອດປີ2010,ຈີນຈະສ້າງລະບຽບການປິ່ນປົວຂັ້ນພື້ນຖານໃນເບື້ອງຕົ້ນ,ຮອດປີ2020,ສ້າງລະບົບສາທາລະນະສຸກແລະການບໍລິການປິ່ນປົວທີ່ຄົບຖ້ວນບໍລິບູນສົມຄວນ.
ທ່ານເສິນຈູກ່າວວ່າ,ດ້ວຍເຫດນີ້,ລັດຖະບານແລະອົງການປົກຄອງທ້ອງຖິ່ນລ້ວນແຕ່ຕ້ອງເພີ່ມງົບປະມານເຂົ້າໃນວຽກງານສາທາລະນະສຸກຢ່າງຫຼວງຫຼາຍ,ຕົ້ນຕໍຈະໃຊ້ໃນສາທາລະນະສຸກ ສາທາລະນະສຸກຊົນນະບົດ,ສາທາລະນະສຸກຕົວເມືອງແລະການຮັບປະກັນການປິ່ນປົວຂັ້ນພື້ນຖານຂອງປະຊາຊົນຊົນນະບົດແລະຕົວເມືອງ
ທ່ານຍັງແຈ້ງໃຫ້ຊາບວ່າ,ປັດຈຸບັນ, ການປິ່ນປົວແບບມີສ່ວນຮ່ວມໃນຊົນນະບົດຈີນໄດ້ປົກຄຸມຊາວກະສິກອນ730ລ້ານຄົນ.ການປະກັນສຸຂະພາບຂັ້ນພື້ນຖານຂອງກຳມະກອນໃນຕົວເມືອງກໍໄດ້ປົກຄຸມປະຊາຊົນຕົວເມືອງ170ລ້ານຄົນ.ພ້ອມກັນນັ້ນ,ລະບຽບການອຸດໜູນການປິ່ນປົວກໍໄດ້ຮັບການປັບປຸງໃຫ້ດີຂຶ້ນ,ພຽງແຕ່ຫົກເດືອນທ້າຍປີນີ້,ທຶນຊ່ວຍເຫຼືອກໍມີຫຼາຍກວ່າ7ຕື້100ລ້ານຢວນ.
|
|
