|
ຈີນຈະອອກແຮງພັດທະນາພະລັງງານທີ່ເກີດໃໝ່ໄດ້
cri
ຕາມຂ່າວCRI,ວັນທີ26ທັນວານີ້,ຈີນໄດ້ປະກາດປຶ້ມປົກຂາວທີ່ພາດຫົວເລື່ອງວ່າສະພາບການແລະນະໂຍບາຍພະລັງງານຂອງຈີນໂດຍຊີ້ອອກວ່າ,ຈີນຈະອອກແຮງພັດທະນາພະລັງງານທີ່ເກີດໃໝ່ໄດ້.
ປຶ້ມປົກຂາວຂຽນວ່າ,ຈີນໄດ້ປະກາດກົດໝາຍວ່າດ້ວຍພະລັງງານທີ່ເກີດໃໝ່ໄດ້,ໄດ້ຈັດສັນທຶນສະເພາະເພື່ອພັດທະນາພະລັງງານທີ່ເກີດໃໝ່ໄດ້.ໃນຕໍ່ໜ້າ,ຈີນຈະເລັ່ງລັດກໍ່ສ້າງເຂື່ອນໄຟຟ້ານ້ຳຕົກ,ພັດທະນາໂຮງໄຟຟ້ານ້ຳຕົກຂະໜາດກາງແລະນ້ອຍຕາມສະພາບຕົວຈິງ.ເຜີຍແຜ່ເຕັກນິກສຸກງອມໃນການໃຊ້ພະລັງຕາເວັນ,ແກັສຊີວະພາບເປັນຕົ້ນ,ຕັ້ງໜ້າພັດທະນາການຜະລິດໄຟຟ້າດ້ວຍພະລັງລົມ,ພະລັງຊີວະຊາດແລະພະລັງຕາເວັນ.
ປຶ້ມປົກຂາວຍັງໄດ້ຊີ້ອອກວ່າ,ຈີນຈະປັບປຸງອົງປະກອບອຸດສາຫະກຳ,ສົ່ງເສີມການຄົ້ນຄວ້າພັດທະນາເຕັກນິກປະຢັດພະລັງງານ,ປັບປຸງກົດໝາຍປະຢັດພະລັງງານໃຫ້ສົມບູນຂຶ້ນ,ຍົກປະສິດທິພາບໃນການນຳໃຊ້ພະລັງງານໃຫ້ສູງຂຶ້ນເລື້ອຍໆ.
|
|
