|
|
 |
| (GMT+08:00)
2007-12-30 19:51:06
|
 |
|
ທ່ານຢາຊູໂອ ຟູຄູດາ ນາຍົກລັດຖະມົນຕີຍີ່ປຸ່ນສຳເລັດການຢ້ຽມຢາມຈີນ
cri
Author: cai
ຕາມຂ່າວສານຊີນຮວາ:ຕອນບ່າຍວັນທີ 30 ທັນວານີ້,ທ່ານຢາຊູໂອ ຟູຄູດາ ນາຍົກລັດຖະມົນຕີຍີ່ປຸ່ນໄດ້ສຳເລັດການຢ້ຽມຢາມຈີນຢ່າງເປັນທາງການທີ່ດຳເນີນເປັນເວລາ 4 ມື້,ແລ້ວຂີ່ຍົນພິເສດຈາກເມືອງຈີນານ,ກັບຄືນປະເທດ.
ໃນໄລຍະຢ້ຽມຢາມຢູ່ປັກກິ່ງ,ທ່ານຫູຈີນທ່າວ ປະທານປະເທດຈີນແລະຜູ້ນຳອື່ນໆຕ່າງໄດ້ພົບປະແລະເຈລະຈາກັບທ່ານຢາຊູໂອ ຟູຄູດາ.ສອງຝ່າຍເປັນເອກະສັນກັນເຫັນດີຊຸກຍູ້ການພົວພັນລະຫວ່າງຈີນຍີ່ປຸ່ນໃຫ້ຂະຫຍາຍໄປຮອດໄລຍະໃໝ່.
ໃນການຢ້ຽມຢາມ,ສອງຝ່າຍຕົກລົງກັນວ່າ,ທ່ານປະທານຫູຈີນທ່າວຈະໄປຢ້ຽມຢາມຍີ່ປຸ່ນໃນປີໜ້າ,ນີ້ຈະແມ່ນປະມຸກລັດຈີນໄປຢ້ຽມຢາມຍີ່ປຸ່ນເປັນຄັ້ງທຳອິດໃນ 10 ປີທີ່ຜ່ານມາ.ຜູ້ນຳສອງປະເທດຍັງໄດ້ມີຄວາມຮັບຮູ້ຄືກັນໃໝ່ກ່ຽວກັບບັນຫາທະເລຈີນຕາເວັນອອກ.
ທ່ານຢາຊູໂອ ຟູຄູດາໄດ້ກ່າວຢ້ຳຫຼັກໝັ້ນຂອງຝ່າຍຍີ່ປຸ່ນໃນບັນຫາໄຕ້ຫວັນແລະກ່າວວ່າ,ຝ່າຍຍີ່ປຸ່ນບໍ່ສະໜັບສະໜູນສອງປະເທດຈີນຫຼືຈີນເປັນອັນໜຶ່ງໄຕ້ຫວັນເປັນອັນໜຶ່ງ,ບໍ່ສະໜັບສະໜູນໄຕ້ຫວັນເຂົ້າຮ່ວມສະຫະປະຊາຊາດ,ບໍ່ສະໜັບສະໜູນການເອົາປະຊາມະຕິທົ່ວປວງຊົນກ່ຽວກັບການເຂົ້າຮ່ວມສະຫະປະຊາຊາດ.ທ່ານຢາຊູໂອ ຟູຄູດາຍັງກ່າວວ່າ,ຝ່າຍຍີ່ປຸ່ນມີເຈດຈຳນົງສຳຫຼວດຕົນເອງຢ່າງຈິງຈັງຕໍ່ປະຫວັດສາດທີ່ທໍລະມານຕອນນັ້ນ,ຍີ່ປຸ່ນຍຶດໝັ້ນເດີນຕາມເສັ້ນທາງພັດທະນາໂດຍສັນຕິ,ຫວັງສ້າງການພົວພັນຍີ່ປຸ່ນຈີນທີ່ອວ່າຍໜ້າໄປສູ່ອະນາຄົດ.
|
|
|
