|
|
 |
| (GMT+08:00)
2008-01-04 19:21:30
|
 |
|
ການສ້າງລະບອບກຽດຕິຍົດແຫ່ງຊາດຍ່ອມຈະຊຸກຍູ້ໃຫ້ວັດທະນະທຳພັດທະນາແລະຈະເລີນຮຸ່ງເຮືອງຢ່າງໃຫຍ່ຫຼວງ
cri
Author: MO
ວັນທີ 4 ມັງກອນນີ້, ຂ່າວສານຊີນຮວາ ເຊິ່ງເປັນຂ່າວສານແຫ່ງຊາດຈີນໄດ້ພິມບົດຄວາມຂຽນວ່າ, ໃນບົດລາຍງານຂອງກອງປະຊຸມໃຫຍ່ຄັ້ງທີ 17 ຂອງພັກກອມມູນິດຈີນໄດ້ສະເໜີວ່າໃຫ້ສ້າງລະບອບກຽດຕິຍົດແຫ່ງຊາດ, ເພື່ອຍ້ອງຍໍຜູ້ເຮັດວຽກດ້ານວັດທະນະທຳທີ່ມີຜົນງານພົ້ນເດັ່ນ. ນີ້ຍ່ອມຈະປຸກລະດົມຄວາມຫ້າວຫັນຂອງຜູ້ເຮັດວຽກດ້ານວັດທະນະທຳອັນໄພສານ, ຊຸກຍູ້ວັດທະນະທຳພັດທະນາແລະຈະເລີນຮຸ່ງເຮືອງຢ່າງໃຫຍ່ຫຼວງ.
ບົດຄວາມຂຽນວ່າ, ແຕ່ປະເທດຈີນໃໝ່ສ້າງຕັ້ງຂຶ້ນມານີ້, ໂດຍສະເພາະແມ່ນນັບແຕ່ການປະຕິຮູບແລະໄຂປະຕູສູ່ພາຍນອກມານີ້, ພັກແລະລັດຖະບານເຄີຍໃຊ້ຮູບການທີ່ຕ່າງກັນເພື່ອຍ້ອງຍໍຜູ້ເຮັດວຽກດ້ານວັດທະນະທຳທີ່ມີຜົນງານພົ້ນເດັ່ນ. ການສ້າງລະບອບກຽດຕິຍົດວັດທະນະທຳທີ່ເປັນເອກະພາບໃນທົ່ວປະເທດບົນພື້ນຖານດັ່ງກ່າວນັ້ນ ມີຜົນດີຕໍ່ການເປີດກວ້າງອິດທິພົນໃນສາກົນຂອງຜູ້ມີສື່ສຽງດ້ານວັດທະນະທຳຂອງຈີນແລະບົດປະພັນຂອງເຂົາ, ແລະມີຜົນດີຕໍ່ການຊຸກຍູ້ວັດທະນະທຳຈີນກ້າວໄປສູ່ໂລກໃຫ້ດີກວ່າເກົ່າ.
|
|
|
