|
ປີນີ້ຈີນຈະຊຸກຍູ້ການຜະລິດຜະລິດຕະພັນກະສິກຳຕົ້ນຕໍໃຫ້ພັດທະນາຢ່າງໝັ້ນທ່ຽງ
cri
ຕາມໜັງສືພິມເຢິນມິນຢື້ປ້າວ,ໜັງສິມເຢິນມິນຢື້ປ້າວຂອງຈີນສະບັບບັນທີ6ມັງກອນນີ້ໄດ້ພິມບົດຄວາມຂອງທ່ານຊຸນເຈິ້ງສາຍ ລັດຖະມົນຕີວ່າການກະຊວງກະສິກຳຈີນໂດຍຊີ້ອອກວ່າ,ປີນີ້,ຈີນຈະອອກແຮງສຸດຂີດເພື່ອຊຸກຍູ້ການຜະລິດຜະລິດຕະພັນກະສິກຕົ້ນຕໍເຊັ່ນທັນຍາຫານເປັນຕົ້ນໃຫ້ພັດທະນາຢ່າງໝັ້ນທ່ຽງ,ພະຍາຍາມເຮັດໃຫ້ຜົນຜະລິດທັນຍາຫານຢູ່ໃນລະດັບ500ລ້ານໂຕນຂຶ້ນໄປ,ລາຍໄດ້ສຸດທິທີ່ສະເລ່ຍຕໍ່ຫົວຄົນຂອງຊາວກະສິກອນໃຫ້ເພີ່ມຂຶ້ນ6%ຂຶ້ນໄປ.
ບົດຄວາມຂຽນວ່າ,ປີນີ້,ຈີນຈະຮັກສາເນື້ອທີ່ປູກທັນຍາຫານໃຫ້ໝັ້ນທ່ຽງ,ຍົກຜົນຜະລິດຕໍ່ຫົວໜ່ວຍເນື້ອທີ່ດິນເດັນໃຫ້ສູງຂຶ້ນ,ປັບປຸງອົງປະກອບແນວພັນໃຫ້ດີຂຶ້ນ,ປ້ອງກັນແລະຄວບຄຸມພະຍາດສັດທີ່ຮ້າຍແຮງເຊັ່ນພະຍາດໄຂ້ຫວັດສັດປີກປະເພດຮ້າຍແຮງ,ພະຍາດຫູກ່ຳໝູເປັນຕົ້ນຢ່າງແທ້ຈິງ,ຮັບປະກັນການສະໜອງພື້ນຖານຂອງຜະລິດຕະພັນກະສິກຳຕົ້ນຕໍ,ພະຍາຍາມເຮັດໃຫ້ລາຄາຜະລິດຕະພັນກະສິກຳຕົ້ນຕໍບໍ່ຂຶ້ນໆລົງໆຢ່າງຮ້າຍແຮງ.
ພ້ອມກັນນັ້ນ,ບົດຄວາມຍັງຊີ້ອອກວ່າ,ປີນີ້,ຈີນຈະສືບຕໍ່ປັບປຸງອົງປະກອບກະສິກຳໃຫ້ດີຂຶ້ນ,ເພີ່ມທະວີການອົບຮົມຊາວກະສິກອນທີ່ເຮັດວຽກຢູ່ໃນຕົວເມືອງ,ຊອກຫາຫຼາຍສ່ອງທາງເພື່ອເຮັດໃຫ້ຊາວກະສິກອນມີລາຍໄດ້ເພີ່ມຂຶ້ນ.
|
|
