|
|
 |
| (GMT+08:00)
2008-01-08 16:14:16
|
 |
|
ຈີນຈະຮັບປະກັນຄວາມປອດໄພຂອງອາຫານໃນໄລຍະງານກິລາໂອລິມປິກ
cri
Author: cai
ຕາມຂ່າວCRI:ໂດຍແນໃສ່ແກ້ໄຂບັນຫາສະໜອງອາຫານໃນໄລຍະງານກິລາໂອລິມປິກປັກກິ່ງປີ 2008,ວັນທີ 8 ມັງກອນນີ້,ຢູ່ປັກກິ່ງ,ທ່ານເກົ່າຮົງປີ່ນ ລັດຖະມົນຕີຊ່ວຍວ່າການກະຊວງກະສິກຳຈີນກ່າວວ່າ,ໃນໄລຍະງານກິລາໂອລິມປິກ,ອາຫານສຳລັບນັກກິລາສ່ວນຫຼາຍແມ່ນຈີນສະໜອງ,ກະຊວງກະສິກຳຈີນຈະໃຊ້ມາດຕະການເພື່ອຮັບປະກັນຄວາມປອດໄພການສະໜອງອາຫານໃນງານກິລາໂອລິມປິກ.
ມື້ດຽວກັນ,ໃນກອງປະຊຸມຂ່າວທີ່ຫ້ອງການຖະແຫຼງຂ່າວລັດຖະບານຈີນຈັດຂຶ້ນ,ທ່ານເກົ່າຮົງປີ່ນກ່າວວ່າ,ກະຊວງກະສິກຳຈະຮ່ວມກັບ 13 ອົງການປົກຄອງຂັ້ນແຂວງເຊັ່ນປັກກິ່ງເປັນຕົ້ນຈັດຕັ້ງປະຕິບັດການຮັບປະກັນຄວາມປອດໄພຂອງຄຸນນະພາບຜະລິດຕະພັນກະສິກຳ,ເພື່ອຮັບປະກັນຄວາມປອດໄພຂອງຄຸນນະພາບຜະລິດຕະພັນກະສິກຳໃນໄລຍະງານກິລາໂອລິມປິກ.ທ່ານເກົ່າຮົງປີ່ນກ່າວວ່າ,ຈີນໄດ້ສ້າງຕັ້ງໜ່ວຍສະໜອງອາຫານງານກິລາໂອລິມປິກໂດຍສະເພາະ,ບໍ່ພຽງແຕ່ຮັບປະກັນຄວາມປອດໄພອາຫານຂອງນັກກິລາແລະກຳມະການທີ່ເຂົ້າຮ່ວມງານກິລາໂອລິມປິກເທົ່ານັ້ນ,ຍັງຈະຮັບປະກັນປະລິມານ ຄຸນນະພາບ ຄວາມປອດໄພແລະການມີຜະລິດຕະພັນກະສິກຳໃນຕະຫຼາດປັກກິ່ງຢ່າງຫຼາກຫຼາຍ.
ທ່ານເກົ່າຮົງປີ່ນກ່າວວ່າ,ພາກສ່ວນກະສິກຳຈີນຈະຖືງານກິລາໂອລິມປິກເປັນໂອກາດ,ຍົກລະດັບຄວາມປອດໄພດ້ານຄຸນນະພາບຂອງຜະລິດຕະພັນກະສິກຳທົ່ວປະເທດໃຫ້ສູງຂຶ້ນຢ່າງຍາວນານແລະຕໍ່ເນື່ອງ,ເພື່ອຮັບປະກັນສຸຂະພາບຂອງປະຊາຊົນ.
|
|
|
