|
|
 |
| (GMT+08:00)
2008-01-08 17:19:18
|
 |
|
ຊ່ຽວຊານຈີນສອງຄົນໄດ້ຮັບລາງວັນວິທະຍາສາດເຕັກນິກສູງສຸດຂອງຈີນ
cri
ຕາມຂ່າວ cri:ວັນທີ 8 ມັງກອນນີ້ ຢູ່ປັກກິ່ງ ທ່ານຫູຈີນທາວ ປະທານປະເທດຈີນໄດ້ມອບລາງວັນວິທະຍາສາດເຕັກນິກສູງສຸດລະດັບຊາດປະຈຳປີ2007 ໃຫ້ແກ່ທ່ານຫມິນເອິ່ນເຈີ ຊ່ຽວຊານອຸດສາຫະກຳເຄມີນ້ຳມັນເຊື້ອໄຟທ່ານອູເຈິ່ງອີ້ ຊ່ຽວຊານດ້ານພຶກສາສາດ.
ທ່ານຫມິນເອີ່ນເຈີທີ່ປີນີ້ອາຍຸ 84 ປີໄດ້ຮັບນາມມະຍົດເປັນຜູ່ສ້າງພື້ນຖານໃຫ້ແກ່ວິທະຍາສາດຢາເລັ່ງໃນເວລາກັ່ນນ້ຳມັນເຊື້ອໄຟຂອງຈີນ,ໃນຫລາຍປີມານີ້,ທ່ານໄດ້ຄົ້ນຄວ້າຜະລິດຢາເລັ່ງທີ່ຕ້ອງໃຊ້ໃນການຜະລິດນ້ຳມັນເຊື້ອໄຟສຳລັບເຮືອບິນ,ຢາເລ່ງທີ່ໃຊ້ໃນການປຸງແຕ່ງນ້ຳມັນຫນັກ,ແລະ ຢາເລັ່ງຊະນິດໃຫມ່ຫລາຍຢ່າງ, ຫມາກຜົນວິທະຍາສາດເຫລົ່ານີ້ມີຄວາມຫມາຍຍຸດທະສາດສຳຄັນໃນດ້ານຮັບປະກັນຄວາມປອດໄພດ້ານພະລັງງານຂອງປະເທດ ແລະການພັດທະນາແບບຍືນຍົງ.
ທ່ານອູເຈິ່ງອີ້ ປີນີ້ອາຍຸ 92 ປີມີຊື່ສຽງໂດງດັງໃນຂົງເຂດພຶກສາສາດໃນໂລກເປັນເວລາດົນນານມາແລ້ວ ທ່ານໄດ້ທຸ່ມເທເຫື່ອແຮງສະຕິປັນຍາຄົ້ນຄວ້າພືດຊະນິດຕ່າງໆຂອງອາຊີຕາເວັນອອກໂດຍເອົາພືດຂອງຈີນເປັນຫລັກ,ໄດ້ຮຽບຮຽງແລະແຕ່ງວິທະຍານິພົນທີ່ມີຄຸນຄ່າປະເສີດຢ່າງຫລວງຫລາຍ,ໄດ້ປະກອບສ່ວນອັນມະຫາສານໃຫ້ມະນຸດຮູ້ຈັກທຳມະຊາດ,ເຮັດໃຫ້ມະນຸດກັບທຳມະຊາດຢູ່ຮ່ວມກັນຢ່າງເປັນມິດ.
|
|
|
