|
|
 |
| (GMT+08:00)
2008-01-10 10:44:15
|
 |
|
ກອງປະຊຸມຄະນະກຳມະການສະມາຄົມຈີນ-ອາຊຽນແລະງານລ້ຽງສະຫຼອງປີໃໝ່ຈັດຂຶ້ນຢູ່ປັກກິ່ງ
cri
ຕາມຂ່າວສານຊິນຮວາ,ວັນທີ9ມັງກອນນີ້,ຢູ່ທີ່ປັກກິ່ງ,ສະມາຄົມຈີນ-ອາຊຽນໄດ້ຈັດກອງປະຊຸມຄັ້ງທີ5ຂອງຄະນະກຳມະການຊຸດທຳອິດຂອງສະມາຄົມດັ່ງກ່າວແລະງານລ້ຽງສະຫຼອງປີໃໝ່.ທ່ານນາງກູ້ຊິ້ວລຽນ ປະທານສະມາຄົມຈີນ-ອາຊຽນໄດ້ເຂົ້າຮ່ວມກິດຈະກຳດັ່ງກ່າວ.
ນາງກູ້ຊິ້ວລຽນກ່າວວ່າ,ຈີນກັບບັນດາປະເທດອາຊຽນແມ່ນປະເທດໃກ້ຄຽງທີ່ດີຕໍ່ກັນ.ໃນປີໜຶ່ງຜ່ານມາ,ຈີນກັບອາຊຽນໄດ້ເພີ່ມຄວາມໄວ້ເນື້ອເຊື່ອໃຈກັນທາງການເມືອງຂຶ້ນຕື່ມ,ການຮ່ວມມືທີ່ຕ່າງຝ່າຍຕ່າງມີຜົນປະໂຫຍດກໍຫຼາຍ ກວ່າເກົ່າ.
ທ່ານຊູດຼັດ ຈັດ ເອກອັກຄະລັດຖະທູດອິນໂດເນເຊຍປະຈຳຈີນກ່າວວ່າ,ອາຊີອາຄະເນກັບປະຊາຊົນຈີນມີການພົວພັນທີ່ໝັ້ນຄົງເປັນເວລາຫຼາຍສະຕະວັດ,ຫວັງວ່າການພົວພັນຮ່ວມມືກັນລະຫວ່າງຈີນກັບອາຊຽນຈະກ້າວໄປສູ່ການທີ່ຕ່າງຝ່າຍຕ່າງໄດ້ຮັບຜົນປະໂຫຍດ.
ທູຕານຸທູດຂອງປະເທດອາຊຽນປະຈຳຈີນເຊັ່ນ ລາວ ອິນໂດເນເຊຍ ກຳປູເຈຍ ຫວຽດນາມແລະໄທເປັນຕົ້ນໄດ້ເຂົ້າຮ່ວມງານລ້ຽງສະຫຼອງປີໃໝ່.
ສະມາຄົມຈີນ-ອາຊຽນສ້າງຕັ້ງຂຶ້ນຢູ່ປັກກິ່ງຢ່າງເປັນທາງການໃນວັນທີ3ສິງຫາປີ2004,ມີຈຸດປະສົງໃຊ້ຮູບການຕິດຕໍ່ພົວພັນລະຫວ່າງປະຊາຊົນເພື່ອຊຸກຍູ້ການຮ່ວມມືໃນຂົງເຂດຕ່າງໆລະຫວ່າງຈີນກັບບັນດາປະເທດອາຊຽນ,ເພີ່ມຄວາມເຂົ້າໃຈກັນແລະມິດຕະພາບລະຫວ່າງປະຊາຊົນຈີນກັບປະຊາຊົນອາຊຽນ.
|
|
|
