|
|
 |
| (GMT+08:00)
2008-01-11 12:51:03
|
 |
|
ຈີນຈະຈັດກິດຈະກຳວັດທະນະທຳງານກິລາໂອລິມປິກທີ່ມີຫຼາຍຮູບຫຼາຍແບບໃນຕົວເມືອງ
cri
ຕາມຂ່າວCRI,ວັນທີ10ມັງກອນນີ້,ຢູ່ທີ່ປັກກິ່ງ,ເຈົ້າໜ້າທີ່ຄະນະກຳມະການຈັດຕັ້ງງານກິລາໂອລິມປິກປັກກິ່ງໄດ້ເຜີຍໃຫ້ຮູ້ວ່າ,ຈີນຈະຈັດກິດຈະກຳວັດທະນະທຳງານກິລາໂອລິມປິກທີ່ມີຫຼາຍຮູບຫຼາຍແບບໃນຕົວເມືອງ,ເພື່ອສ້າງໂອກາດໃຫ້ນັກທ່ອງທ່ຽວພາຍໃນແລະຕ່າງປະເທດເຂົ້າຮ່ວມກິດຈະກຳວັດທະນະທຳງານກິລາໂອລິມປິກແລະມ່ວນຊື່ນນຳງານກິລາໂອລິມປິກ.
ໃນກອງປະຊຸມປະສານງານກິດຈະກຳວັດທະນະທຳງານກິລາໂອລິມປິກຂອງຕົວເມືອງ"ປັກກິ່ງ2008"ທີ່ຈັດຂຶ້ນໃນມື້ດຽວກັນ,ເຈົ້າໜ້າທີ່ຜູ່ນີ້ແຈ້ງໃຫ້ຮູ້ວ່າ,ໃນໄລຍະແຕ່ເດືອນມິຖຸນາຮອດເດືອນກັນຍາປີນີ້,ປັກກິ່ງແລະຕົວເມືອງປະສານງານຊ່ວຍຈັດງານກິລາໂອລິມປິກເມືອງອື່ນໆຈະຈັດກິດຈະກຳວັດທະນະທຳງານກິລາໂອລິມປິກຢູ່ສະໜາມຫຼວງ,ວາງສະແດງມໍລະດົກວັດທະນະທຳທີ່ດີເລີດຂອງຈີນພ້ອມດ້ວຍກິດຈະກຳທີ່ໃຫ້ຄອບຄົວຊາວເມືອງແລກປ່ຽນກັນແລະວາງສະແດງແລະອື່ນໆເພື່ອສະແດງວັດທະນະທຳທີ່ດີເລີດຂອງປະຊາຊົນຈີນບັນດາເຜົ່າແລະຫົວຂໍ້ຂອງງານກິລາໂອລິມປິກປັກກິ່ງຄື "ໂລກດຽວຄວາມຝັນດຽວ"
ຂ່າວແຈ້ງຕື່ມວ່າ,ໃນໄລຍະຈັດງານກິລາໂອລິມປິກ,ປັກກິ່ງຍັງຈະຈັດຫຼາຍກິດຈະກຳສິລະປະວັດທະນະທຳ ລະດັບສາກົນ.ຄະນະສິລະປາກອນທີ່ມີຊື່ສຽງ60ຄະນະທີ່ມາຈາກອາເມລິກາ,ຣັດເຊຍ,ອັງກິດ ອິນເດຍພ້ອມດ້ວຍປະເທດແລະເຂດແຄວ້ນອື່ນໆຈະຈັດການສະແດງສິລະປະວັນນະຄະດີ100ກວ່າເທື່ອຢູ່ທີ່ປັກກິ່ງ.
|
|
|
