|
ວຽກງານຮັກສາຄວາມປອດໄພຂອງງານກິລາໂອລິມປິກປັກກິ່ງດຳເນີນຢ່າງສະດວກ
cri
Author: mo
ຕາມຂ່າວສານຊີນຮວາ: ວັນທີ 12 ມັງກອນນີ້, ຢູ່ທີ່ປັກກິ່ງ, ທ່ານມາເຈີ້ນຊວນ ຫົວໜ້າພະແນກຮັກສາຄວາມປອດໄພນະຄອນຫຼວງປັກກິ່ງກ່າວວ່າ, ປັດຈຸບັນ, ວຽກງານຮັກສາຄວາມປອດໄພຂອງງານກິລາໂອລິມປິກປັກກິ່ງໄດ້ດຳເນີນຢ່າງສະດວກ.
ທ່ານມາເຈີ້ນຊວນເວົ້າສູ່ຟັງວ່າ, ນະຄອນປັກກິ່ງໄດ້ຮ່ວມກັບພາກສ່ວນທີ່ກ່ຽວຂ້ອງຂອງລັດສ້າງຕັ້ງລະບົບບັນຊາການຮັກສາຄວາມປອດໄພຂອງງານກິລາໂອລິມປິກ, ໄດ້ວາງແຜນການ 540 ກວ່າສະບັບ. ພ້ອມກັນນັ້ນ, ໂດຍແນໃສ່ສະຖານະການຕ້ານການກໍ່ການຮ້າຍສາກົນ, ປັກກິ່ງຍັງໄດ້ສ້າງກອງບັນຊາການຕ້ານການກໍ່ການຮ້າຍ, ຝ່າຍຕຳຫຼວດໄດ້ເຕົ້າໂຮມກຳລັງຕຳຫຼວດຜູ້ດີເດັ່ນ, ໄດ້ປະກອບລະບົບແລະອຸປະກອນວິທະຍາສາດເຕັກນິກທີ່ກ້າວໜ້າທີ່ສຸດຂອງໂລກ, ຄວາມສາມາດຄວບຄຸມສະຖານທີ່ສາທາລະນະແລະຕ້ານທານການເຄື່ອນໄຫວກໍ່ການຮ້າຍໄດ້ເພີ່ມຂຶ້ນຢ່າງຫຼວງຫຼາຍ.
ນອກນັ້ນ, ນັບແຕ່ປີ 2003 ເປັນຕົ້ນມາ, ປັກກິ່ງຍັງໄດ້ສົ່ງຕຳຫຼວດໄປຕົວເມືອງທີ່ເຄີຍຈັດງານກິລາໂອລິມປິກເຊັ່ນອາແຕນແລະຊິດນີເປັນຕົ້ນ ເພື່ອຖອດຖອນບົດຮຽນຮັກສາຄວາມປອດໄພຂອງງານກິລາໂອລິມປິກ.
|
|
