|
|
 |
| (GMT+08:00)
2008-01-13 16:42:54
|
 |
|
ຈີນຈະເລັ່ງລັດສ້າງລະບົບຂົນສົ່ງສັງລວມແບບທັນສະໄໝ
cri
Author: mo
ຕາມຂ່າວສານຊີນຮວາ: ຫວ່າງມໍ່ໆນີ້, ທ່ານເຈິ່ງເຜີຍຢຽນ ຮອງນາຍົກລັດຖະມົນຕີຈີນຮຽກຮ້ອງໃຫ້ພາກສ່ວນຕ່າງໆເຊັ່ນທາງລົດໄຟ ຄົມມະນາຄົມ ແລະການບິນພົນລະເຮືອນເພີ່ມທະວີການປະຕິຮູບໄຂປະຕູສູ່ພາຍນອກແລະການປະດິດສ້າງດ້ວຍຕົນເອງ, ເລັ່ງລັດສ້າງລະບົບຂົນສົ່ງສັງລວມແບບທັນສະໄໝ.
ທ່ານເຈິ່ງເຜີຍຢຽນຊີ້ອອກວ່າ, ໃນ 5 ປີຜ່ານມາ, ວຽກງານດ້ານຕ່າງໆຂອງຂະແໜງການທາງລົດໄຟຈີນໄດ້ຮັບໝາກຜົນເດັ່ນຊັດ; ຂະແໜງການຄົມມະນາຄົມໄດ້ສຳເລັດໜ້າທີ່ຕ່າງໆໃນການວາງແຜນພັດທະນາຄົມມະນາຄົມ, ການກໍ່ສ້າງໂຄງການຈຸດໜັກ, ທາງຫຼວງຊົນນະບົດ, ການບໍລິການຂົນສົ່ງ, ການຕິດຕາມກວດກາຄວາມປອດໄພ, ການປະຢັດພະລັງງານແລະຫຼຸດການລະບາຍອາຍພິດເຮືອນແກ້ວ; ການຂົນສົ່ງດ້ານການບິນພົນລະເຮືອນກໍ່ໄດ້ສ້າງສະຖິຕິດ້ານການບິນຢ່າງປອດໄພ. ທ່ານຮຽກຮ້ອງໃຫ້ຂະແໜງການທາງລົດໄຟ ຄົມມະນາຄົມ ແລະການບິນພົນລະເຮືອນເລັ່ງລັດສ້າງລະບົບຂົນສົ່ງສັງລວມແບບທັນສະໄໝ, ປະກອບສ່ວນໃໝ່ເຂົ້າໃນການບັນລຸເປົ້າໝາຍສູ້ຊົນທີ່ສ້າງສັງຄົມອິ່ມຫນຳສຳລານໃນລະດັບກາງຢ່າງຮອບດ້ານ.
ວັນທີ 7 ກຸມພານີ້ແມ່ນບຸນກຸດຈີນ ບຸນປະເພນີຂອງຈີນ. ທ່ານເຈິ່ງເຜີຍຢຽນຮຽກຮ້ອງໃຫ້ອົງການປົກຄອງຂັ້ນຕ່າງໆແລະພາກສ່ວນທີ່ກ່ຽວຂ້ອງອອກແຮງສຸດຂີດເຮັດວຽກການຂົນສົ່ງໃນໄລຍະບຸນກຸດຈີນໃຫ້ດີ, ຮັບປະກັນໃຫ້ປະຊາຊົນອອກເດີນທາງຢ່າງປອດໄພແລະສະດວກໃນຍາມກຸດຈີນ.
|
|
|
