|
|
 |
| (GMT+08:00)
2008-01-15 11:59:06
|
|
ຈີນຈະອອກແຮງສົ່ງເສີມການຄົ້ນຄວ້າວິທະຍາສາດກະສິກຳ
cri
Author: mo
ຕາມຂ່າວສານຊີນຮວາ: ວັນທີ 14 ມັງກອນນີ້, ຢູ່ທີ່ປັກກິ່ງ, ທ່ານຈາຍຮູສີ ອະທິບໍດີຂອງສະພາບັນດິດວິທະຍາສາດກະສິກຳຈີນກ່າວວ່າ, ປີນີ້, ຈີນຈະສົ່ງເສີມໂຄງການຄົ້ນຄວ້າການພັດທະນາກະສິກຳທັນສະໄໝ ການເຜີຍແຜ່ວິທະຍາສາດ ແລະການບໍລິການດ້ານວິທະຍາສາດ, ຊຸກຍູ້ປະຕິບັດແລະຄຸ້ມຄອງໂຄງການສຳຄັນຕ່າງໆເຊັ່ນຫໍສະໝຸດກະສິກຳແຫ່ງຊາດເປັນຕົ້ນ.
ໃນກອງປະຊຸມວຽກງານຂອງສະພາບັນດິດວິທະຍາສາດກະສິກຳຈີນ, ທ່ານຈາຍຮູສີກ່າວວ່າ, ເພື່ອຊຸກຍູ້ສົ່ງເສີມການຄົ້ນຄວ້າວິທະຍາສາດກະສິກຳ, ປີນີ້, ສະພາບັນດິດວິທະຍາສາດກະສິກຳຈີນຈະເພີ່ມການສ້າງບ່ອນທົດລອງຢູ່ນາສວນ ຫ້ອງທົດລອງ ແລະສູນເຕັກນິກຂອງໂຄງການແຫ່ງຊາດ; ຈັດວາງວິທີການຄຸ້ມຄອງແລະມາດຕະການເຕັກນິກຕ່າງໆ, ພະຍາຍາມເຮັດໃຫ້ກາຍເປັນແຫຼ່ງປະດິດສ້າງໃໝ່ອັນສຳຄັນທີ່ມີອິດທິພົນສຳຄັນຢູ່ພາຍໃນແລະຕ່າງປະເທດ ແລະຊີ້ນຳທິດທາງພັດທະນາວິທະຍາສາດເຕັກນິກຂອງຈີນ.
|
|
|
