|
|
 |
| (GMT+08:00)
2008-01-15 12:03:26
|
 |
|
ຈີນອິນເດຍເຊັນເອກະສານຮ່ວມກັນ
cri
Author: mo
ຕາມຂ່າວຈາກໜັງສືພິມເຢີນມິນຢື້ປ້າວ: ວັນທີ 14 ມັງກອນນີ້, ຢູ່ທີ່ປັກກິ່ງ, ຈີນກັບອິນເດຍໄດ້ເຊັນເອກະສານ"ຮ່ວມກັນກ້າວສູ່ສະຕະວັດທີ 21 ຂອງຈີນອິນເດຍ", ສອງຝ່າຍເຫັນດີຈະສືບຕໍ່ເດັດດ່ຽວອອກແຮງແກ້ໄຂຄວາມເຫັນທີ່ຂັດແຍ່ງກັນທີ່ຄົງຄ້າງຢູ່ເຊິ່ງລວມທັງບັນຫາຊາຍແດນໂດຍຜ່ານການເຈລະຈາໂດຍສັນຕິ, ພ້ອມກັນນັ້ນ ກໍ່ຮັບປະກັນບໍ່ໃຫ້ຄວາມເຫັນຂັດແຍ່ງກັນເຫຼົ່ານີ້ກະທົບເຖິງການຂະຫຍາຍການພົວພັນສອງຝ່າຍຢ່າງຕັ້ງໜ້າ.
ສອງຝ່າຍກ່າວຢໍ້າວ່າ, ຕັດສິນໃຈຖືເອົາສັນຍາທີ່ຕົກລົງກັນໃນເດືອນເມສາປີ 2005 ເຊິ່ງກ່ຽວກັບຫຼັກການຊີ້ນຳດ້ານການເມືອງໃນການແກ້ໄຂບັນຫາຊາຍແດນເປັນພື້ນຖານ, ສະແຫວງຫາວິທີທີ່ຍຸດຕິທຳແລະສົມເຫດສົມຜົນແລະສອງຝ່າຍລ້ວນແຕ່ຮັບເອົາໄດ້ນັ້ນມາແກ້ໄຂບັນຫາ, ສ້າງຊາຍແດນທີ່ມີສັນຕິພາບແລະມິດຕະພາບ.
ໃນເອກະສານ, ຝ່າຍອິນເດຍກ່າວວ່າ, ຈະສືບຕໍ່ເຄົາລົບນະໂຍບາຍຈີນດຽວ, ຄັດຄ້ານການເຄື່ອນໄຫວໃດໆທີ່ຝ່າຝືນຫຼັກການຈີນດຽວ. ຈີນຊົມເຊີຍຫຼັກໝັ້ນຂອງອິນເດຍ. ອິນເດຍກ່າວຢ້ຳຄວາມປາຖະໜາທີ່ຢາກເປັນປະເທດສະມາຊິກຖາວອນຂອງສະພາຄວາມໝັ້ນຄົງສະຫະປະຊາຊາດ. ຝ່າຍຈີນສະແດງຄວາມເຂົ້າໃຈແລະສະໜັບສະໜູນຄວາມປາຖະໜາຂອງອິນເດຍທີ່ເສີມຂະຫຍາຍບົດບາດຫຼາຍກວ່າເກົ່າໃນສະຫະປະຊາຊາດ ກໍ່ຄືສະພາຄວາມໝັ້ນຄົງ. ຈີນອິນເດຍຍັງກ່າວວ່າ, ການພົວພັນຈີນອິນເດຍບໍ່ກະທົບປະເທດທີສາມ, ແລະກໍ່ບໍ່ກະທົບເຖິງການພົວພັນມິດຕະພາບຂອງຕົນກັບປະເທດອື່ນ.
|
|
|
