|
|
 |
| (GMT+08:00)
2008-01-15 18:14:15
|
 |
|
ລັດຖະບານຈີນເອົາໃຈໃສ່ໃນລະດັບສູງຕໍ່ທ່ານກໍເດີນ ບຼາວຢ້ຽມຢາມຈີນ
cri
Author: da
ຕາມຂ່າວCRI: ວັນທີ15ມັງກອນນີ້ ໃນກອງປະຊຸມຂ່າວທີ່ຈັດຂຶ້ນຢູ່ປັກກິ່ງ ນາງຈ່ຽງອີ ໂຄສົກກະຊວງການຕ່າງປະເທດຈີນກ່າວວ່າ, ລັດຖະບານຈີນເອົາໃຈໃສ່ໃນລະດັບສູງຕໍ່ການຢ້ຽມຢາມຈີນຂອງນາຍົກລັດຖະມົນຕີກໍເດີນ ບຼາວ.ຝ່າຍຈີນຍິນດີຖືການຢ້ຽມຢາມເທື່ອນີ້ເປັນໂອກາດ,ເພີ່ມທະວີການສົນທະນາຍຸດທະສາດລະຫວ່າງສອງປະເທດ,ຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານຈີນອັງກິດຂະຫຍາຍຕົວຢ່າງຍາວນານ ປອດໃສແລະໝັ້ນທ່ຽງ.
ໂດຍຕອບສະໜອງຄຳເຊີນຂອງທ່ານເວີນເຈຍປາວ ນາຍົກລັດຖະມົນຕີຈີນ,ທ່ານກໍເດີນ ບຼາວຈະຢ້ຽມຢາມຈີນຢ່າງເປັນທາງການແຕ່ວັນທີ18ຮອດວັນທີ20ມັງກອນນີ້.
ນາງຈ່ຽງອີກ່າວວ່າ,ປະຈຸບັນ ການພົວພັນຈີນອັງກິດມີທ່າຂະຫຍາຍດີ,ສອງປະເທດມີການແລກປ່ຽນແລະການປະສານງານຢ່າງແໜ້ນແຟ້ນໃນບັນຫາສາກົນແລະພາກພື້ນທີ່ສຳຄັນ. ການຮ່ວມມືທາງເສດຖະກິດການຄ້າລະຫວ່າງສອງປະເທດພັດທະນາຢ່າງຕໍ່ເນື່ອງ,ໃນຫຼາຍປີມານີ້ ອັງກິດໄດ້ຮັກສາຖານະໃນສະຫະພາບເອີລົບທີ່ເປັນປະເທດລົງທຶນຫຼາຍກວ່າໝູ່ຢູ່ຈີນໂດຍຕະຫຼອດ,ປີກາຍນີ້ ຍອດມູນຄ່າການຄ້າຈີນອັງກິດຈະບັນລຸ40ຕື້ໂດລາ.
ນາງຍັງກ່າວວ່າ,ໃນຖານະເປັນປະເທດສະມາຊິກຖາວອນຂອງສະພາຄວາມໝັ້ນຄົງສະຫະປະຊາຊາດ,ຈີນແລະອັງກິດຂະຫຍາຍການພົວພັນສອງຝ່າຍຕື່ມອີກ,ມີຜົນດີຕໍ່ສັນຕິພາບ ສະຖຽນລະພາບແລະຄວາມຈະເລີນຮຸ່ງເຮືອງຂອງໂລກ.
|
|
|
