|
ພັກກອມມູນິດຈີນຈະເພີ່ມທະວີຕ້ານການສໍ້ລາດບັງຫຼວງແລະສົ່ງເສີມຄວາມປອດໃສຂາວສະອາດ
cri
ຕາມຂ່າວສານຊິນຮວາ, ວັນທີ15ມັງກອນນີ້,ຢູ່ທີ່ປັກກິ່ງ,ທ່ານຫູຈິນທາວ ເລຂາທິການໃຫຍ່ສູນກາງພັກກອມມູນິດຈີນກ່າວເນັ້ນວ່າ,ພັກກອມມູນິດຈີນຈະເພີ່ມທະວີຕ້ານການສໍ້ລາດບັງຫຼວງແລະສົ່ງເສີມຄວາມປອດໃສຂາວສະອາດໂດຍຖືການປັບປຸງກົນໄກລົງໂທດແລະປ້ອງກັນການສໍ້ລາດບັງຫຼວງໃຫ້ດີຂຶ້ນນັ້ນເປັນຈຸດໜັກ.
ໃນເວລາກ່າວຄຳປາໄສໃນກອງປະຊຸມຂອງຄະນະກຳມະກາກວດກາສູນກາງພັກກອມມູນິດຈີນ,ທ່ານຫູຈິນທາວຊີ້ອອກວ່າ,ໃນພຶດຕິກຳຕ້ານການສໍ້ລາດບັງຫຼວງແລະສົ່ງເສີມຄວາມປອດໃສຂາວສະອາດ,ຕ້ອງເລີ່ມຈາກສະພາບຕົວຈິງຂອງຈີນ,ຖອດຖອນເອົາວິທີທີ່ໄດ້ຮັບຜົນດີຂອງຕ່າງປະເທດ,ປະດິດສ້າງແນວຄວາມຄິດຂອງການເຮັດວຽກ,ປ້ອງກັນແລະລົງໂທດການ ສໍ້ລາດບັງຫຼວງຢ່າງມີວິທະຍາສາດແລະບັງເກີດຜົນກວ່າເກົ່າ,ຕ້ອງກວດກາແລະລົງໂທດຄະດີລະເມີດວິໄນແລະກົດໝາຍຢ່າງເດັດດ່ຽວ,ລົງໂທດພວກສໍ້ລາດບັງຫຼວງຕາມກົດໝາຍຢ່າງເຂັ້ມງວດ,ແລະກໍ່ຕ້ອງເພີ່ມຄວາມແຮງໃນການປ້ອງກັນ,ກຳຈັດແຫຼ່ງກຳເນີດຂອງການສໍ້ລາດບັງຫຼວງ,ພະຍາຍາມເຮັດໃຫ້ປະກົດການສໍ້ລາດບັງຫຼວງມີໜ້ອຍເທົ່າທີ່ຈະໜ້ອຍໄດ້,ຕ້ອງປະສານສົມທົບພາກສ່ວນຕ່າງໆເພື່ອເພີ່ມປະສິດທິພາບລວມຂອງການຕ້ານການສໍ້ລາດບັງຫຼວງແລະສົ່ງເສີມຄວາມປອດໃສຂາວສະອາດ.
|
|
