|
|
 |
| (GMT+08:00)
2008-01-17 12:25:08
|
 |
|
ຈີນຈະພະຍາຍາມຍົກສູງລະດັບຄວາມສາມາດຮັບມືກັບສະພາວະສຸກເສີນທາງສາທາລະນະສຸກ
cri
Author: m
ຕາມຂ່າວ CRI: ຫວ່າງມໍ່ໆນີ້, ກອງປະຊຸມວຽກງານຮັບມືກັບສະພາວະສຸກເສີນທາງສາທາລະນະສຸກຂອງຈີນໄດ້ຈັດຂຶ້ນຢູ່ນະຄອນນານຈິ່ງ ພາກຕາເວັນອອກຂອງຈີນ, ໃນກອງປະຊຸມ, ທ່ານເຊີນຈູ ລັດຖະມົນຕີວ່າການກະຊວງສາທາລະນະສຸກຈີນກ່າວວ່າ, ຈີນຈະພະຍາຍາມຍົກສູງຄວາມສາມາດຮັບມືກັບສະພາວະສຸກເສີນທາງສາທາລະນະສຸກ.
ທ່ານເຊີນຈູຊີ້ອອກວ່າ, ວຽກງານຮັບມືກັບສະພາວະສຸກເສີນທາງສາທາລະນະສຸກແມ່ນເນື້ອໃນອັນສຳຄັນຂອງການເພີ່ມທະວີການສ້າງສັງຄົມ, ຮັບປະກັນການພັດທະນາເສດຖະກິດສັງຄົມແລະຄວາມປອດໄພຂອງປະເທດ. ແຫ່ງຕ່າງໆຕ້ອງຍຶດໝັ້ນຖືການປ້ອງກັນເປັນວຽກງານສຳຄັນ, ເຮັດວຽກກະກຽມຮັບມືກັບສະພາວະສຸກເສີນທາງສາທາລະນະສຸກໃຫ້ດີ, ຖືຈີນຈັດງານກິລາໂອລິມປິກເປັນໂອກາດ, ສ້າງກົນໄກຮັບມືກັບສະພາວະສຸກເສີນຕໍ່ເຫດການສາທາລະນະສຸກທີ່ເກີດຂຶ້ນໃນຢ່າງກະທັນຫັນໃຫ້ມີປະສິດທິພາບ, ຍົກຄວາມສາມາດຮັບມືກັບສະພາວະສຸກເສີນທາງສາທາລະນະສຸກໃຫ້ສູງຂຶ້ນຢ່າງບໍ່ຢຸດຢັ້ງ, ຕ້ອງເພີ່ມທະວີການແລກປ່ຽນແລະການຮ່ວມມືກັບປະເທດຕ່າງໆໃນໂລກດ້ານການຮັບມືກັບສະພາວະສຸກເສີນທາງສາທາລະນະສຸກ, ສ້າງກົນໄກແລກປ່ຽນຂໍ້ມູນຂ່າວສານກ່ຽວກັບເຫດການສາທາລະນະສຸກທີ່ເກີດຂຶ້ນໃນກະທັນຫັນແລະຮ່ວມກັນປ້ອງກັນຄຸ້ມຄອງລະຫວ່າງປະເທດແລະເຂດແຄ້ວນຕ່າງໆໃຫ້ດີ.
ຂ່າວແຈ້ງວ່າ, ປະຈຸບັນ, ກະຊວງສາທາລະນະສູງຈີນ, ພະແນກສາທາລະນະສຸກຂອງແຂວງສ່ວນຫຼາຍກໍ່ໄດ້ຕັ້ງຫ້ອງການຮັບມືກັບສະພາວະສຸກເສີນດ້ານສາທາລະນະສຸກ. ອົງການສາທາລະນະສຸກປິ່ນປົວພະຍາດສ່ວນຫຼາຍແລະສູນປ້ອງກັນຄຸ້ມຄອງພະຍາດໝົດທຸກແຫ່ງກໍ່ໄດ້ແຈ້ງຂ່າວກ່ຽວກັບພະຍາດຕິດແປດແລະເຫດການສາທາລະນະສຸກທີ່ເກີດຂຶ້ນໃນທັນທີຂຶ້ນອິນເດີເນັດ.
|
|
|
