|
|
 |
| (GMT+08:00)
2008-01-17 15:04:39
|
 |
|
ປະຊາກອນເນັດປ່ອນບັດຄັດເລືອກແຫຼ່ງທ່ອງທ່ຽວຈີນ10ແຫ່ງ
cri
ຕາມຂ່າວສານຊິນຮວາ,ຜ່ານການປ່ອນບັດທາງອິນເຕີເນັດທີ່ດຳເນີນມາເປັນເວລາເຄິ່ງປີ,ວັນທີ16ມັງກອນນີ້,ຈີນໄດ້ສະເຫຼີຍຜົນການຄັດເລືອກແຫຼ່ງທ່ອງທ່ຽວວັດທະນະທຳພຸດທະສາສະໜາແລະສາສະໜາເຕົາ10ແຫ່ງ,8ລ້ານຄົນໄດ້ເຂົ້າຮ່ວມການຄັດເລືອກເທື່ອນີ້.
ຕາມຜົນການຄັດເລືອກ,ແຫຼ່ງທ່ອງທ່ຽວວັດທະນະທຳພຸດທະສາສະໜາ10ແຫ່ງຂອງຈີນຄື: ພູຈິວຮວາແຂວງອ່ານຮຸ່ຍ ພູອູທາຍແຂວງຊ່ານຊີ່ ວັດບຸດຕາລາຕິເບດ,ພູພຸດໂທແຂວງເຈີ້ຈ່ຽງ ພູເອີໄມແຂວງເຊສວນ ວັດຢົ່ງເຮີກົ່ງປັກກິ່ງ,ພະພຸດທະຮູບພູເລີຊ່ານແຂວງເຊສວນ ວັດທາເອີແຂວງຊິງໄຫ ວັດຊ້າວລິນພູຊົ່ງຊ່ານແຂວງເຮີນານແລະວັດຊ່ານຈູພູທຽນຈູ້ແຂວງອ່ານຮຸ່ຍ.
ພູອູຕ່າງແຂວງຫູເປ ວັດປາຍຢຸນປັກກິ່ງ ພູຊິງເສິງແຂວງເຊສວນແລະອື່ນໆຖືກຄັດເລືອກເປັນແຫຼ່ງທ່ອງທ່ຽວວັດທະນະທຳສາສະໜາເຕົາຈີນ10ແຫ່ງ.
ຜູ່ຮັບຜິດຊອບຂອງຄະນະກຳມາທິການຊົນເຜົ່າແລະສາສະໜາສະພາປຶກສາການເມືອງປະຊາຊົນແຫ່ງຊາດຈີນແຈ້ງໃຫ້ຊາບວ່າ,ແຫຼ່ງທ່ອງທ່ຽວວັດທະນະທຳສາສະໜາແມ່ນສ່ວນປະກອບອັນສຳຄັນຂອງຊັບພະຍາກອນການທ່ອງທ່ຽວ.ການນຳໃຊ້ແລະພັດທະນາຊັບພະຍາກອນດ້ານນີ້ມີຜົນດີຕໍ່ການສ້າງຜະລິດຕະພັນທ່ອງທ່ຽວທີ່ມີສີສັນພິເສດແລະມີຄວາມໝາຍສຳຄັນຕໍ່ການພັດທະນາຂະແໜງການທ່ອງທ່ຽວ.
|
|
|
