|
ຈີນສ້າງບ່ອນຕິດຕາມຄຸ້ມຄອງລິຂະສິດອິນເທີເນັດເພື່ອຕໍ່ຕ້ານການລ່ວງລະເມີດລິຂະສິດທາງອິນເທີເນັດ
cri
ຕາມຂ່າວCRI,ໃນກອງປະຊຸມຂ່າວທີ່ຈັດຂຶ້ນຢູ່ປັກກິ່ງໃນວັນທີ17ມັງກອນນີ້,ທ່ານຢຽນສ້ຽວຫົງ ຮອງຫົວໜ້າກົມລິຂະສິດແຫ່ງຊາດຈີນເຜີຍໃຫ້ຮູ້ວ່າ,ຈີນກຳລັງສ້າງບ່ອນຕິດຕາມຄຸ້ມຄອງລິຂະສິດອິນເຕີເນັດ,ຄາດວ່າຈະໃຊ້ການໃນເດືອນພຶດສະພາປີນີ້.
ໃນຊຸມປີມໍ່ໆມານີ້,ອິນເທີເນັດຂອງຈີນໄດ້ພັດທະນາຢ່າງວ່ອງໄວ,ປັດຈຸບັນ,ຜູ່ໃຊ້ອິນເທີເນັດຂອງຈີນໄດ້ຫຼາຍກວ່າ200ລ້ານຄົນ.ພ້ອມດຽວກັນນັ້ນ,ໃນຂົງເຂດອິນເທີເນັດກໍ່ມີບັນຫາການລ່ວງລະເມີດລິຂະສິດທາງອິນເທີເນັດຢ່າງໜັກໜ່ວງ.
ທ່ານຢຽນສ້ຽວຫົງແຈ້ງໃຫ້ຊາບວ່າ,ໂຄງການໄລຍະທຳອິດຂອງການສ້າງບ່ອນຕິດຕາມຄຸ້ມຄອງລິຂະສິດອິນເທີເນັດຈະລົງທຶນ8ລ້ານກວ່າຢວນ,ຈະຊອກຫາແບບອັດຕະໂນມັດຕໍ່ດົນຕີ,ຮູບເງົາແລະລະຄອນໂທລະພາບທີ່ມີໃນເວັບໄຊຕ່າງໆຂອງຈີນ.ເມື່ອຊອກພົບຜົນງານປະພັນທີ່ບໍ່ໄດ້ມອບລິຂະສິດ,ແລ້ວແຈ້ງໃຫ້ເວັບໄຊນັ້ນຊາບ,ຂໍໃຫ້ລຶບ,ຖ້າບໍ່ດັ່ງນັ້ນຜູ່ກ່ຽວກໍ່ຈະຖືກລົງໂທດຕາມກົດໝາຍ.
ທ່ານຢຽນສ້ຽວຫົງກ່າວວ່າ,ຈີນໄດ້ລົງໂທດການກະທຳລ່ວງລະເມີດລິຂະສິດທາງອິນເທີເນັດມາໄດ້3ປີລຽນຕິດແລ້ວ,ໃນຕໍ່ໜ້າ,ຈີນຈະເພີ່ມທະວີການປະຕິບັດກົດໝາຍຮ່ວມກັບພາກສ່ວນຕ່າງໆເພື່ອຕໍ່ຕ້ານການລ່ວງລະເມີດລິຂະສິດທາງອິນເທີເນັດ.ພ້ອມທັງດຳເນີນການສຶກສາປະຊາກອນເນັດໃຫ້ມີສະຕິແລະຄວາມຊິນເຄີຍທີ່ດີໃນດ້ານລິຂະສິດ.
|
|
