|
|
 |
| (GMT+08:00)
2008-01-18 11:20:41
|
 |
|
ນາຍົກອັງກິດເດີນທາງມາຮອດປັກກິ່ງເລີ່ມຢ້ຽມຢາມຈີນ
cri
ຕາມຂ່າວສານຊິນຮວາ,ໂດຍຕອບສະໜອງຕາມການເຊີນຂອງທ່ານເວິ່ນເຈ່ຍປາວ ນາຍົກລັດຖະມົນຕີຈີນ,ທ່ານກໍດອນ ບຼາວ ນາຍົກລັດຖະມົນຕີອັງກິດໄດ້ເດີນທາງມາຮອດປັກກິ່ງໃນຕອນ ເຊົ້າວັນທີ18ມັງກອນນີ້ເວລາທ້ອງຖິ່ນ,ເລີ່ມຢ້ຽມຢາມຈີນຢ່າງເປັນທາງການເປັນເວລາ3ວັນ.
ນີ້ແມ່ນທ່ານບຼາວມາຢ້ຽມຢາມຈີນເປັນຄັ້ງທຳອິດນັບແຕ່ທ່ານຂຶ້ນຮັບຕຳແໜ່ງນາຍົກລັດຖະມົນຕີອັງກິດເມື່ອເດືອນມິຖຸນາປີ2007ມານີ້.
ໃນໄລຍະຢ້ຽມຢາມ,ທ່ານຫູຈິນທາວ ປະທານປະເທດຈີນ ທ່ານອູປາງໂກວ ປະທານຄະນະປະຈຳສະພາປະຊາຊົນແຫ່ງຊາດຈີນ ທ່ານເວິ່ນເຈ່ຍປາວ ນາຍົກລັດຖະມົນຕີຈີນຈະພົບປະເຈລະຈາກັບທ່ານບຼາວ.ທ່ານເວິ່ນເຈ່ຍປາວຍັງຈະພ້ອມກັບທ່ານບຼາວເຂົ້າຮ່ວມກອງປະຊຸມສຸດຍອດອຸດສາຫະກຳການຄ້າຈີນອັງກິດ,ພົບປະກັບຜູ່ແທນນັກທຸລະກິດ,ແລະຈະສື່ສານກັບສາທາລະນະຊົນຢູ່ມະຫາວິທະຍາໄລປະຊາຊົນຈີນ.ທ່ານບຼາວຍັງຈະໄປຢ້ຽມຊົມສະໜາມກິລາໂອລິມປິກ.
ກ່ອນມາຢ້ຽມຢາມຈີນ,ທ່ານບຼາວໄດ້ໃຫ້ສຳພາດຕໍ່ສື່ມວນຊົນວ່າ,ການພົວພັນອັງກິດຈີນພວມຢູ່ໃນໄລຍະດີທີ່ສຸດໃນປະຫວັດສາດ.ທ່ານຄອງຄອຍປຶກສາຫາລືກັບຜູ່ນຳຈີນວ່າຈະລົງເລິກການຮ່ວມມືລະຫວ່າງສອງຝ່າຍຕື່ມອີກແນວໃດ?
|
|
|
