|
ຕາມຂ່າວCRI,ວັນທີ18ມັງກອນນີ້,ຢູ່ທີ່ປັກກິ່ງ,ທ່ານຖາງເຈ່ຍສວນ ທີ່ປຶກສາແຫ່ງລັດຈີນກ່າວວ່າ,ຈີນຍິນດີເສີມຂະຫຍາຍບົດບາດທີ່ມີລັກສະນະສ້າງສັນເພື່ອຊຸກຍູ້ການຟື້ນຟູການເຈລະຈາບັນຫານີວເຄຼຍຂອງອີຣານ.
ທ່ານຖາງເຈ່ຍສວນແມ່ນໃຫ້ທັດສະນະດັ່ງກ່າວໃນເວລາພົບປະກັບທ່ານໄຊເອັດ ຈາລີລີ ທູດພິເສດຂອງປະທານາທິບໍດີອີຣານ ເລຂາຄະນະກຳມະການຄວາມປອດໄພແຫ່ງຊາດສູງສຸດອີຣານ.ທ່ານຖາງເຈ່ຍສວນກ່າວວ່າ,ໃນສະພາບການໃນປັດຈຸບັນ,ປະຊາຄົມໂລກຄວນທຳຄວາມພະຍາຍາມທາງການທູດຫຼາຍກວ່າເກົ່າ,ຊຸກຍູ້ໃຫ້ຟື້ນຟູການເຈລະຈາໂດຍໄວ,ສະແຫວງຫາການແກ້ໄຂບັນຫານີວເຄຼຍອີຣານຢ່າງຮອບດ້ານ.ຈີນຍິນດີເສີມຂະຫຍາຍບົດບາດທີ່ມີລັກສະນະສ້າງສັນເພື່ອເລື່ອງນີ້.ກ່ຽວກັບການພົວພັນລະຫວ່າງຈີນກັບອີຣານ,ທ່ານຖາງເຈ່ຍສວນກ່າວວ່າ,ຈີນຍິນດີພ້ອມກັບອີຣານທຳຄວາມພະຍາຍາມເພື່ອຊຸກຍູ້ການພົວພັນຮ່ວມມືຢ່າງມີໄມຕີຈິດລະຫວ່າງຈີນກັບອີຣານໃຫ້ຂະຫຍາຍຕົວຕໍ່ໄປ.
ທ່ານຈາລີລີກ່າວວ່າ,ອີຣານຍຶດໝັ້ນຜ່ານການເຈລະຈາເພື່ອແກ້ໄຂບັນຫານີວເຄຼຍຂອງອີຣານ,ຈະສືບຕໍ່ຮ່ວມມືກັບອົງການພະລັງງານປະລະມານູສາກົນ,ໃຫ້ຄວາມກະຈ່າງແຈ້ງແກ່ບັນຫາທີ່ຍັງບໍ່ທັນໄດ້ຮັບການແກ້ໄຂນັ້ນໂດຍໄວ.
|
