|
|
 |
| (GMT+08:00)
2008-01-21 10:39:59
|
 |
|
ຈີນຈະເລັ່ງລັດພັດທະນາອຸດສາຫະກຳພະລັງງານທັນສະໄຫມ ຮັບປະກັນຄວາມປອດໄພດ້ານພະລັງງານຂອງຊາດ
cri
ຕາມຂ່າວສານຊີນຮວາ: ຫວ່າງມໍ່ໆນີ້ ຢູ່ປັກກິ່ງ ທ່ານເຈິ່ງເຜີຍອຽນ ຮອງນາຍົກລັດຖະມົນຕີຈີນກ່າວວ່າ, ຈີນຈະເລັ່ງລັດພັດທະນາອຸດສາຫະກຳພະລັງງານທັນສະໄຫມໃຫມ່,ຮັບປະກັນຄວາມປອດໄພດ້ານພະລັງງານຂອງຊາດ.
ທ່ານເຈິ່ງເຜີຍອຽນໄດ້ໃຫ້ທັດສະນະດັ່ງກ່າວໃນເວລາຟັງການລາຍງານຂອງພາກສ່ວນແລະວິສາຫະກິດທີ່ກ່ຽວຂ້ອງກັບຂົງເຂດນ້ຳມັນ ອາຍແກສທຳມະຊາດແລະພະລັງໄຟຟ້າ.
ໃນເວລາກ່າວເຖິງການພັດທະນາຂອງຂະແຫນງການນ້ຳມັນແລະອາຍແກສທຳມະຊາດ,ທ່ານເຈິ່ງເຜີຍອຽນຊີ້ອອກວ່າ, ວິສາຫະກິດທີ່ກ່ຽວຂ້ອງຕ້ອງເພີ່ມຜົນຜະລິດຕາມຄວາມຕ້ອງການ,ພະຍາຍາມຮັບປະກັນມີນ້ຳມັນສຳເລັດຮູບປ້ອນຕະຫລາດຢ່າງຫມັ້ນທ່ຽງ;ເພີ່ມການສຳຫລວດຊັບພະຍາກອນນ້ຳມັນແລະອາຍແກສທຳມະຊາດ,ເພີ່ມການປະດິດສ້າງດ້ານເຕັກນິກແລະປະຢັດພະລັງງານແລະຫລຸດການລະບາຍມົນລະພິດ;ຊຸກຍູ້ການຮ່ວມມືກັບສາກົນໃນດ້ານຊັບພະຍາກອນພະລັງງານ, ສ້າງລະບົບ ຄ້ຳປະກັນການສະຫນອງພະລັງງານຂອງຊາດທີ່ຫມັ້ນທ່ຽງ ປອດໄພແລະບັງເກີດຜົນ.
ໃນເວລາກ່າວເຖິງການພັດທະນາຂອງຂະແຫນງການພະລັງໄຟຟ້າ, ທ່ານເຈິ່ງເຜີຍອຽນຊີ້ອອກວ່າ, ຂະແຫນງການພະລັງໄຟຟ້າຕ້ອງຍຶດຫມັ້ນໃຫ້ບູລິມະສິດແກ່ການປະຢັດພະລັງງານແລະອະນຸລັກສິ່ງແວດລ້ອມ, ພະຍາຍາມສ້າງວິສາຫະກິດແບບປະຢັດພະລັງງານແລະອະນຸລັກສິ່ງແວດລ້ອມ.
|
|
|
