|
ການຄົ້ນຄວ້າຜະລິດລົດຍົນທີ່ໃຊ້ພະລັງງານໃໝ່ຂອງຈີນມີຄວາມຄືບໜ້າຫຼາຍ
cri
Author: mo
ຕາມຂ່າວCRI：ວັນທີ 21 ມັງກອນນີ້ ຢູ່ທີ່ປັກກິ່ງ, ທ່ານຊ້າຍເວີຍສີ ຮອງປະທານສະຫະພັນອຸດສາຫະກຳກົນຈັກຈີນກ່າວວ່າ, ຈີນມີຄວາມຄືບໜ້າຫຼາຍໃນດ້ານຄົ້ນຄວ້າຜະລິດລົດຍົນທີ່ໃຊ້ພະລັງງານໃໝ່.
ໃນກອງປະຊຸມຂ່າວກ່ຽວກັບສະພາບການໝູນເດີນຂອງຂະແໜງການອຸດສາຫະກຳກົນຈັກຈີນ 2007 ທີ່ຈັດຂຶ້ນຢູ່ປັກກິ່ງ, ທ່ານຊ້າຍເວີຍສີກ່າວວ່າ, ປັດຈຸບັນ, ລົດຍົນທີ່ໃຊ້ພະລັງງານໃໝ່ສາມປະເພດຄື: ແມ່ແຮງໄຟຟ້າ, ແມ່ແຮງປະສົມ, ແລະໝໍ້ໄຟທີ່ໃຊ້ວັດຖຸເຊື້ອໄຟ ທີ່ຈີນຄົ້ນຄວ້າຜະລິດເອງນັ້ນໄດ້ຜະລິດອອກຢ່າງຕໍ່ເນື່ອງ, ໃນນັ້ນ, ລະດັບເຕັກນິກຂອງລົດຍົນທີ່ໃຊ້ໝໍ້ໄຟວັດຖຸເຊື້ອໄຟໄດ້ຢູ່ແຖວໜ້າຂອງໂລກ, ລົດຍົນໃຊ້ພະລັງໄຟຟ້ານັ້ນໄດ້ສົ່ງອອກໄປຕ່າງປະເທດຫຼາຍງວດ. ລົດຍົນທີ່ໃຊ້ອາຍແກັດໄດ້ນຳໃຊ້ຢູ່ 70 ກວ່າຕົວເມືອງຂອງຈີນ, ຂາຍອອກໄປແລ້ວ 3 ແສນກວ່າຄັນ, ແຕ່ລະປີໄດ້ເຂົ້າແທນນ້ຳມັນເຊື້ອໄຟ 3 ລ້ານໂຕນ.
|
|
