|
|
 |
| (GMT+08:00)
2008-01-22 18:24:32
|
 |
|
ປັກກິ່ງວາງມາດຕະການໃໝ່ເພື່ອປົກປ້ອງລິຂະສິດງານກິລາໂອລິມປິກ
cri
ຕາມຂ່າວສານຊິນຮວາ,ຄຽງຄູ່ກັບງານກິລາໂອລິມປິກປັກກິ່ງປີ2008ນັບມື້ນັບຫຍັບມໍ່ເຂົ້າມາ,ປັກກິ່ງໄດ້ວາງມາດຕະການໃໝ່ຕ່າງໆກ່ຽວກັບການປົກປ້ອງລິຂະສິດງານກິລາໂອລິມປິກຢ່າງເປັນທາງການ.
ໃນມາດຕະການໃໝ່ລວມທັງເພີ່ມຄວາມແຮງໃນການຕິດຕາມຄຸ້ມຄອງການປົກປ້ອງລິຂະສິດທີ່ຢູ່ບໍລິເວນອ້ອມແອ້ມສະໜາມກິລາໂອລິມປິກ,ຮຽກຮ້ອງໃຫ້ຫົວໜ່ວຍທຸລະກິດທີ່ຢູ່ອ້ອມສະໜາມກິລາໄດ້ມາດຕະການທີ່ຈຳໜ່າຍຜະລິດຕະພັນທີ່ມີລິຂະສິດແທ້ຈິງ100%.ພ້ອມທັງເພີ່ມທະວີການຕິດຕາມຄຸ້ມຄອງການລ່ວງລະເມີດລິຂະສິດງານກິລາໂອລິມປິກທາງອິນເທີເນັດ,ສ້າງລະບຽບການບັນຊີລາຍຊື່ຜູ່ສະໜອງການບໍລິການທາງອິນເທີເນັດຢ່າງຜິດກົດໝາຍ.
ໂຄສົກພະແນກວຽກງານກົດໝາຍຄະນະກຳມະການຈັດຕັ້ງງານກິລາໂອລິມປິກປັກກິ່ງກ່າວວ່າ,ພະແນກລິຂະສິດນະຄອນຫຼວງປັກກິ່ງແລະພາກສ່ວນທີ່ກ່ຽວຂ້ອງວາງມາດຕະການໃໝ່ດັ່ງກ່າວແມ່ນເພື່ອເຮັດໃຫ້ປະຊາຊົນເພີ່ມສະຕິປົກປ້ອງລິຂະສິດງານກິລາໂອລິມປິກ,ຊຸກຍູ້ໃຫ້ເສດຖະກິດ ໂອລິມປິກພັດທະນາຢ່າງປອດໃສແລະເປັນລະບຽບ,ສ້າງສະພາບແວດລ້ອມແຫ່ງການປົກປ້ອງຊັບສິນທາງປັນຍາອັນດີງາມໃຫ້ແກ່ການຈັດງານກິລາໂອລິມປິກປັກກິ່ງຢ່າງສຳເລັດຜົນ.
|
|
|
