|
ໃນ5ປີທີ່ຜ່ານມາຕິເບດໄດ້ໃຊ້ງົບປະມານ16ຕື້500ລ້ານຢວນເຂົ້າໃນດ້ານກະສິກຳ
cri
ຕາມຂ່າວສານຊິນຮວາ,ຫວ່າງມໍ່ໆນີ້,ອົງການປົກຄອງເຂດປົກຄອງຕົນເອງຕິເບດຈີນໄດ້ແຈ້ງໃຫ້ຊາບວ່າ,ໃນ5ປີທີ່ຜ່ານມາ,ຕິເບດໄດ້ໃຊ້ງົບປະມານ16ຕື້500ລ້ານຢວນເຂົ້າໃນການພັດທະນາກະສິກຳ,ຊົນນະນົດແລະຊາວກະສິກອນ,ເຊິ່ງໄດ້ຫຼາຍກວ່າ5ປີຄັ້ງກ່ອນຄືແຕ່ປີ1998ຫາປີ2002 1,3ເທົ່າ.ເງື່ອນໄຂການຜະລິດແລະຊີວິດການເປັນຢູ່ຂອງຊາວກະສິກອນແລະຊາວລ້ຽງສັດໄດ້ຮັບການປັບປຸງໃຫ້ດີຂຶ້ນຢ່າງເດັ່ນຊັດ,ແລະມີລາຍໄດ້ເພີ່ມຂຶ້ນຢ່າງຫຼວງຫຼາຍ.
ໃນ5ປີຜ່ານມາ,ຕິເບດໄດ້ປະຕິບັດລະບຽບອະນຸລັກດິນປູກຝັງແລະທົ່ງຫຍ້າຢ່າງເຄັ່ງຄັດທີ່ສຸດ,ໄດ້ສ້າງເຂດພັດທະນາກະສິກຳສັງລວມ88ແຫ່ງ,ຄວາມສາມາດສັງລວມຂອງການຜະລິດດ້ານກະສິກຳແລະການລ້ຽງສັດໄດ້ຍົກສູງຂຶ້ນຕື່ມອີກ.ປີ2007ແມ່ນປີທີ5ແລ້ວທີ່ລາຍໄດ້ສຸດທິສະເລ່ຍຕໍ່ຫົວຄົນຂອງຊາວກະສິກອນແລະຊາວລ້ຽງສັດຕິເບດໄດ້ເພີ່ມຂຶ້ນດ້ວຍ2ຫົວໜ່ວຍຕົວເລກ.ນອກນີ້,ເລີ່ມແຕ່ປີ2006ເປັນຕົ້ນມາ,ຕິເບດປະຕິບັດໂຄງການເຮືອນຢູ່ສຳລັບຊາວກະສິກອນແລະຊາວລ້ຽງສັດ,ປັດຈຸບັນ,ໄດ້ມີຊາວກະສິກອນແລະຊາວລ້ຽງສັດ5ແສນ7ໝື່ນກວ່າຄົນໄດ້ຢູ່ໃນເຮືອນທີ່ປອດໄພແລະຢູ່ສະບາຍ.
ຂ່າວແຈ້ງວ່າ,ປີນີ້,ເຂດຕິເບດຈະໃຊ້ງົບປະມານຫຼາຍກວ່າ2ຕື້ຢວນເຂົ້າໃນການພັດທະນາກະສິກຳ ຊົນນະບົດແລະຊາວກະສິກອນ.
|
|
