|
|
 |
| (GMT+08:00)
2008-01-28 17:48:36
|
 |
|
ຈີນກ່າວວ່າຕ້ອງຮັບປະກັນຄວາມໝັ້ນຄົງສະຫງົບຍາວນານຂອງເຂດຊິນຊ່ຽງ
cri
ຕາມຂ່າວສານຊິນຮວາ,ຫວ່າງມໍ່ໆນີ້,ໃນເວລາທ່ານໂຈ່ວຢົງຄັ່ງ ກຳມະການປະຈຳກົມການເມືອງສູນກາງພັກກອມມູນິດຈີນທີ່ໄປກວດກາວຽກຢູ່ເຂດປົກຄອງຕົນເອງເຜົ່າອຸຍອູຊິນຈ່ຽງ ພາກຕາເວັນຕົກສຽງເໜືອຂອງຈີນ, ກ່າວເນັ້ນວ່າ,ຕ້ອງພະຍາຍາມຊຸກຍູ້ເສດຖະກິດແລະສັງຄົມເຂດຊິນຈ່ຽງໃຫ້ພັດທະນາທັງດີທັງໄວ,ຮັບປະກັນຄວາມໝັ້ນຄົງສະຫງົບຍາວນານຂອງເຂດຊິນຈ່ຽງ.
ທ່ານໂຈ່ວຢົງຄັ່ງຊີ້ອອກວ່າ, ຄະນະພັກແລະອົງການປົກຄອງທຸກຂັ້ນຂອງເຂດຊິນຈ່ຽງແລະພາສ່ວນທີ່ກ່ຽວຂ້ອງຂອງສູນກາງຕ້ອງຮັບຮູ້ຢ່າງເຕັມສ່ວນເຖິງຄວາມສຳຄັນຂອງການເຮັດໃຫ້ເຂດຊິນຈ່ຽງພັດທະນາທັງດີທັງໄວແລະມີຄວາມສະຫງົບຍາວນານ,ອອກແຮງເພີ່ມທະວີການກໍ່ສ້າງພື້ນຖານໂຄງລ່າງ, ກໍ່ສ້າງ ການສຶກສາແລະວັດທະນະທຳ,ແກ້ໄຂບັນຫາຫຍຸ້ງຍາກຂອງປະຊາຊົນບັນດາເຜົ່າເຊັ່ນບັນຫາເຮືອນຢູ່,ການປິ່ນປົວ,ລູກຫຼານເຂົ້າຮຽນ,ການປະກັບອາຊີບ,ການຮັບປະກັນຊີວິດການເປັນຢູ່ເປັນຕົ້ນ,ພະຍາຍາມເຮັດໃຫ້ປະຊາຊົນບັນດາເຜົ່າຂອງເຂດຊິນຈ່ຽງໄດ້ຮັບຜົນປະໂຫຍດຈາກໝາກຜົນແຫ່ງການປະຕິຮູບແລະໄຂປະຕູສູ່ພາຍນອກ.
ພ້ອມກັນນັ້ນ,ທ່ານໂຈ່ວຢົງຄັ່ງຍັງກ່າວເນັ້ນວ່າ,ຕ້ອງໃຫ້ຄວາມສຳຄັນໃນລະດັບສູງແລະອອກແຮງສຸດຂີດປົກປັກຮັກສາຄວາມໝັ້ນຄົງຂອງເຂດຊິນຈ່ຽງ.ຕ້ອງປ້ອງກັນຢ່າງເຄັ່ງຄັດ ໂຈມຕີຢ່າງເດັດຂາດຕໍ່ການກໍ່ກວນທຳລາຍ ຄວາມສະຫງົບຂອງອິດທິກຳລັງທີ່ມາຈາກຕ່າງປະເທດຄືລັດທິກໍ່ການຮ້າຍ,ລັດທິແບ່ງແຍກດິນແດນແລະລັດທິຫົວຮຸນແຮງ.ແລະຮັກສາສະຕິລະວັງຕົວຢ່າງສູງແລະເດັດດ່ຽວປ້ອງກັນບໍ່ໃຫ້ປັດໄຈຄວາມປອດໄພທີ່ບໍ່ແມ່ນແບບດັ້ງເດີມສົ່ງຜົນກະທົບຕໍ່ຄວາມໝັ້ນຄົງຂອງສັງຄົມ.
|
|
|
