|
|
 |
| (GMT+08:00)
2008-01-29 17:20:55
|
 |
|
ຈີນກ່າວຢ້ຳວ່າສະໜັບສະໜູນສະພາຄວາມໝັ້ນຄົງດຳເນີນການປະຕິຮູບທີ່ສົມເຫດສົມຜົນແລະຈຳເປັນ
cri
ຕາມຂ່າວCRI,ວັນທີ29ມັງກອນນີ້,ຢູ່ທີ່ປັກກິ່ງ,ທ່ານນາງຈ່ຽງອີ ໂຄສົກກະຊວງການຕ່າງປະເທດຈີນກ່າວຢ້ຳວ່າ,ຈີນສະໜັບສະໜູນສະພາຄວາມໝັ້ນຄົງດຳເນີນການປະຕິຮູບທີ່ສົມເຫດສົມຜົນແລະຈຳເປັນ.
ຂ່າວແຈ້ງວ່າ,ການເຈລະຈາລະຫວ່າງລັດຖະບານກ່ຽວກັບການປະຕິຮູບສະພາຄວາມໝັ້ນຄົງໄດ້ເລີ່ມຕົ້ນແລ້ວ,ນີ້ເປັນຂີດໝາຍສະແດງໃຫ້ເຫັນວ່າການປະຕິຮູບສະພາຄວາມໝັ້ນຄົງໄດ້ກ້າວສູ່ໄລຍະໃໝ່.
ໃນເວລາຕອບຄຳຖາມທີ່ກ່ຽວຂ້ອງຂອງນັກຂ່າວ, ນາງຈ່ຽງອີກ່າວວ່າ,ຫຼັກໝັ້ນຂອງຈີນໃນບັນຫາການປະຕິຮູບສະພາຄວາມໝັ້ນຄົງ ບໍ່ໄດ້ມີການປ່ຽນແປງ.ຈີນສະໜັບສະໜູນສະພາຄວາມໝັ້ນຄົງດຳເນີນການປະຕິຮູບທີ່ສົມເຫດສົມຜົນແລະຈຳເປັນ,ເພື່ອຍົກສູງອິດທິພົນແລະປະສິດທິພາບຂອງສະພາຄວາມໝັ້ນຄົງ.ຈີນສະໜັບສະໜູນປະເທດພວມພັດທະນາເສີມຂະຫຍາຍບົດບາດຫຼາຍກວ່າເກົ່າຢູ່ສະຫະປະຊາຊາດເຊິ່ງລວມທັງສະພາຄວາມໝັ້ນຄົງໂດຍຕະຫຼອດ, ມີເຈດຈຳນົງໃຫ້ເພີ່ມລັກສະນະຕົວແທນຂອງປະເທດພວມພັດທະນາໂດຍສະເພາະແມ່ນປະເທດອາຟິຼກກາໃນສະພາຄວາມໝັ້ນຄົງ.
|
|
|
