ຕາມ​ຂ່າວCRI: ວັນ​ທີ 29 ມັງກອນ​ນີ້,​ເຈົ້າ​ຫນ້າ​ທີ່​ຂອງ​ກະຊວງທີ່​ດິນ​ແລະ​ຊັບພະຍາກອນ​ທຳ​ມະ​ຊາດຈີນ​ໄດ້​ແຈ້ງ​ໃຫ້​ຊາບ​ວ່າ,ກິດຈະກຳ​ປີ​ຫນ່ວຍ​ໂລກ​ສາກົນ​ທີ່ມີຈຸດປະສົງ​​ເພື່ອ​ຍົກສູງ​ຄວາມ​ຮັບ​ຮູ້​ດ້ານວິທະຍາສາດ​ຫນ່ວຍ​ໂລກ​ຂອງ​​ສາທາ​ລະນະ​ຊົນນັ້ນໄດ້​ເລີ່​ມດຳ​ເນີນ​ຢູ່​ຈີນ​ໃນ​ຫວ່ງມໍ່ໆ​ນີ້.

ຂ່າວ​ແຈ້ງວ່າ,ປີ 2008​ໄດ້ຖືກ​ສະຫະ​ປະ​ຊາ​ຊາດ​ກຳນົດ​ເປັນ​ປີ​ຫນ່ວຍ​ໂລກ​ສາກົນ,​ແມ່ນ​ກິດຈະກຳ​ປີ​ສາກົນ​​ເທື່ອ​ທຳ​ອິດທີ່​ຖື​ວິທະ ຍາສາດ​ຫນ່ວຍ​ໂລກ​ເປັນ​ຫຼັກ​ນັບແຕ່​​ສະຫະ​ປະຊາ​ຊາດ​ສ້າງ​ຕັ້ງ​ຂຶ້ນ​ເປັນ​ຕົ້ນ​ມາ​.

ເຈົ້າ​ຫນ້າ​ທີ່​ຂອງກະຊວງ​ທີ່​ດິນ​ແລະຊັບພະຍາກອນ​ທຳ​ມະຊາດ​ຈີນ​ໄດ້​ເປີດ​ເຜີຍ​ໃຫ້​ຮູ້​ວ່າ,ຈີນ​ໄດ້​ຈັດ​ຕັ້ງ​ຄະນະ​ກຳມະການ​ແຫ່​ງຊາດ​ຈີນ​ກ່ຽວ​ກັບ​ປີ​ຫນ່ວຍ​ໂລກ​ສາກົນ​ເຊິ່ງປະກອບ​ດ້ວຍ 25 ພາກສ່ວນ,​ແລະ​ຈະສົ່ງ​ຄະນະ​ຜູ່​ແທນ​ໄປເຂົ້າຮ່ວມ​ພິທີ​ໄຂ​ງານ​ປີ​ຫນ່ວຍ​ໂລກ​ສາກົນ​ທີ່​ຈັດ​ຂຶ້ນ​ຢູ່​ນະຄອນຫຼວງ​ປາຣີ​ແຕ່​ວັນ​ທີ 12 ຮອດວັນ​ທີ 13 ​ເດືອນ​ຫນ້າ.

ຫວ່ງ​ມໍ່ໆ​ນີ້,ຈີນ​ຈະ​ດຳ​ເນີນ​ກິດຈະກຳ​ທີ່​ມີ​ຫຼາຍ​ຢ່າງ​ຫຼາຍ​ແນວ​ໂດຍ​ຫມູນ​ອ້ອມ​ຫົວ​ຂໍ້​ທີ່​ກ່ຽວຂ້ອງ​ຂອງ​ປີ​ຫນ່ວຍ​ໂລກ​ສາກົນ,​ໃນ​ນັ້ນ​ມີງານ​ສົນທະນາ​ທີ່​ເຜີຍ​​​ແຜ່​ຄວາມ​ຮູ້​ຂອງ​ວິທະຍາສາດ  ການ​ແຂ່ງຂັນ​ເສັງ​ຄວາມ​ຮູ້​ກ່ຽວ​ກັບ​ວິທະຍາສາດ​ຫນ່ວຍ​ໂລກ​ຂອງ​ຊາວ​ຫນຸ່ມ​ເຍົາວະ​ຊົນ  ການວາງສະ​ແດງ​ຫົວ​ຂໍ້ສະ​ເພາະ​ແລະ​ງານ​ສຳ​ມະ​ນາ​ຄົ້ນ​ຄວ້າ​ເປັນ​ຕົ້ນ.