|
|
 |
| (GMT+08:00)
2008-01-29 19:54:38
|
 |
|
ທ່ານນາງອູອີຮຽກຮ້ອງໃຫ້ຝ່າຍຕ່າງໆສືບຕໍ່ເຮັດວຽກສິດຊັບສິນທາງປັນຍາໃຫ້ດີ
cri
ຕາມຂ່າວສານຊິນຮວາ,ກອງປະຊຸມຫົວໜ້າກົມສິດຊັບສິນທາງປັນຍາທົ່ວປະເທດຈີນໄດ້ຈັດຂຶ້ນຢູ່ປັກກິ່ງໃນວັນທີ29ມັງກອນນີ້.ຢູ່ທີ່ປະຊຸມ,ທ່ານນາງອູອີ ຮອງນາຍົກລັດຖະມົນຕີຈີນກ່າວວ່າ,ຝ່າຍທີ່ກ່ຽວຂ້ອງຕ້ອງກຳໂອກາດ,ສືບຕໍ່ເຮັດວຽກສິດຊັບສິນທາງປັນຍາໃຫ້ດີ.
ທ່ານນາງອູອີຊີ້ອອກວ່າ,ນັບແຕ່ຈີນດຳເນີນການປະຕິຮູບແລະໄຂປະຕູສູ່ພາຍນອກເປັນເວລາ30ປີມານີ້,ໄດ້ຮັບຄວາມຄືບໜ້າຄັ້ງປະຫວັດສາດໃນວຽກງານສິດຊັບສິນທາງປັນຍາ.ປະລິມານສິດຊັບສິນທາງປັນຍາໄດ້ເພີ່ມຂຶ້ນແລະຄຸນນະພາບກໍໄດ້ຍົກສູງຂຶ້ນຢ່າງໜັກແໜ້ນ,ໝາກຜົນຂອງສິດຊັບສິນທາງປັນຍາໄດ້ຮັບການນຳໃຊ້ຢ່າງກວ້າງກວາງແລະບັງເກີດຜົນ.ການປົກປ້ອງສິດຊັບສິນທາງປັນຍາໄດ້ຮັບໝາກຜົນອັນເດັ່ນຊັດ,ໄດ້ປົກປັກຮັກສາລະບຽບເສດຖະກິດຕະຫຼາດທີ່ທ່ຽງທຳ,ລະບົບກົດໝາຍກົດບັນຍັດວ່າດ້ວຍສິດຊັບສິນທາງປັນຍາໄດ້ຮັບການປັບປຸງໃຫ້ສົມບູນຂຶ້ນເປັນກ້າວໆ.
ທ່ານນາງອູອີ ຮຽກຮ້ອງໃຫ້ພາກສ່ວນທີ່ກ່ຽວຂ້ອງໃຫ້ຄວາມສຳຄັນຕໍ່ການສ້າງຄວາມສາມາດດ້ານສິດຊັບສິນທາງປັນຍາ,ເສີມສ້າງຄວາມສາມາດປະດິດສ້າງ,ນຳໃຊ້ ,ປົກປ້ອງແລະຄຸ້ມຄອງສິດຊັບສິນທາງປັນຍາຢ່າງບໍ່ຢຸດຢັ້ງ,ຕ້ອງຕັ້ງໜ້າບຳລຸງສ້າງແລະພັດທະນາວັດທະນະທຳສິດຊັບສິນທາງປັນຍາທີ່ເຄົາລົບຄວາມຮູ້,ນັບຖືການປະດິດສ້າງ,ມີຄວາມສັດທາແລະເຄົາລົບ ກົດໝາຍ.
|
|
|
