|
|
 |
| (GMT+08:00)
2008-01-30 17:43:03
|
 |
|
ທ່ານເວີ່ນເຈ່ຍປາວ ນາຍົກລັດຖະມົນຕີຈີນເດີນທາງໄປແຂວງຫູນານເພື່ອຊີ້ນຳວຽກງານກູ້ໄພທາງທຳມະຊາດ
cri
ຕາມຂ່າວສານຊິນຮວາ:ໃນຫຼາຍມື້ມານີ້,ແຂວງຫູນານຈີນໄດ້ປະສົບໄພຝົນຕົກ ຫິມະຕົກແລະນ້ຳກ້າມທີ່ບໍ່ເຄີຍມີໃນ 50 ປີມານີ້,ຕອນຄ່ຳວັນທີ 28 ມັງກອນນີ້,ທ່ານເວີ່ນເຈ່ຍປາວ ນາຍົກລັດຖະມົນຕີຈີນໄດ້ເດີນທາງໄປເຖິງແຂວງຫູນານໂດຍດ່ວນເພື່ອສຳຫຼວດແລະຊີ້ນຳວຽກງານຕ້ານໄພທຳມະຊາດ .
ຕອນເຊົ້າວັນທີ 29 ມັງກອນນີ້ ຫຼັງຈາກທ່ານເວີ່ນເຈ່ຍປາວໄດ້ເດີນທາງໄປຮອດນະຄອນຊາງຊາແຂວງຫູນານແລ້ວ,ທ່ານໄດ້ຮູ້ເຖິງສະພາບຫຼ້າສຸດຂອງໄພຝົນຕົກ ຫິມະຕົກແລະນ້ຳກ້າມຢ່າງວ່ອງໄວ,ແລະໄດ້ພ້ອມກັບຄະນະເດີນທາງ ຄົ້ນຄວ້າແຜນການດີທີ່ສຸດເພື່ອຮັບມື
ທ່ານເວີ່ນເຈ່ຍປາວກ່າວຢ້ຳວ່າ,ໂດຍປະເຊີນກັບໄພທຳມະຊາດເທື່ອນີ້,ອົງການປົກຄອງທຸກຂັ້ນແລະພາກສ່ວນຕ່າງໆຕ້ອງເພີ່ມທະວີການນຳພາແລະບັນຊາຢ່າງ ເປັນເອກະພາບກັນ,ຈັດວາງຮອບດ້ານ ບໍລິຫານຄຸ້ມຄອງແບບວິທະຍາສາດແລະປະສານສົມທົບກັນ,ເພື່ອຮັບປະກັນການສະຫນອງໄຟຟ້າແລະການຂົນສົ່ງຖ່ານຫີນແລະນ້ຳມັນເຊື້ອໄຟຢ່າງສະດວກ,ຮັບປະກັນໃຫ້ຊີວິດຂອງປະຊາຊົນມີຄວາມປອດໄພ,ຮັບປະກັນໃຫ້ເສດຖະກິດສັງຄົມຫມູນເດີນຢ່າງຫມັ້ນທ່ຽງ ຮັບປະ ກັນໃຫ້ປະຊາຊົນຜ່ານບຸນກຸດຈີນຢ່າງມ່ວນຊື່ນແລະສະຫງົບສັນຕິ
|
|
|
