|
|
 |
| (GMT+08:00)
2008-01-31 13:00:24
|
 |
|
ຈີນຈະພະຍາຍາມຈັດງານກິລາໂອລິມປິກທີ່ມີເອກະລັກພິເສດແລະລະດັບສູງ
cri
Author: da
ຕາມຂ່າວCRI: ວັນທີ29ມັງກອນນີ້ ກົມການເມືອງສູນກາງພັກກອມມູນິດຈີນໄດ້ຈັດກອງປະຊຸມ,ຄົ້ນຄວ້າແລະຈັດວາງວຽກງານກະກຽມງານກິລາໂອລິມປິກແລະງານກິລາໂອລິມປິກຄົນພິການໃນໄລຍະໜ້າ.ກອງປະຊຸມກ່າວເນັ້ນວ່າ,ຈີນຈະເພີ່ມທະວີການພົວພັນກັບພາກສ່ວນທີ່ກ່ຽວຂ້ອງຄືຄະນະກຳມະການໂອລິມປິກສາກົນ,ພະຍາຍາມຈັດງານກິລາໂອລິມປິກແລະງານກິລາໂອລິມປິກຄົນພິການທີ່ມີເອກະລັກພິເສດແລະລະດັບສູງ.
ກອງປະຊຸມເຫັນວ່າ,ການຈັດງານກິລາໂອລິມປິກ,ແມ່ນຄວາມປາຖະໜາຮ່ວມຂອງປະຊາຊົນຈີນບັນດາເຜົ່າ,ແມ່ນຄວາມຄອງຄອຍຮ້ອຍປີຂອງຊາດຈີນ,ກໍແມ່ນໜ້າທີ່ຮັບຜິດຊອບແລະພັນທະອັນສູງສົ່ງຂອງຈີນທີ່ມີຕໍ່ປະຊາຄົມໂລກ.
ກອງປະຊຸມກ່າວເນັ້ນວ່າ,ງານກິລາໂອລິມປິກແລະງານກິລາໂອລິມປິກຄົນພິການປີ2008ໃກ້ຈະວຽນມາຮອດ,ພາກສ່ວນທີ່ກ່ຽວຂ້ອງຕ້ອງປະຕິບັດຄຳໝັ້ນສັນຍາທຸກລາຍຢ່າງແທ້ຈິງ,ເຮັດວຽກຕ່າງໆໃຫ້ດີ,ພະຍາຍາມເຮັດໃຫ້ງານກິລາໂອລິມປິກປັກກິ່ງແລະງານກິລາໂອລິມປິກຄົນພິການກາຍເປັນງານມະຫາສານທີ່ເພີ່ມທະວີການແລກປ່ຽນແລະການຮ່ວມມືລະຫວ່າງຈີນກັບປະເທດຕ່າງໆ ແລະເພີ່ມທະວີຄວາມເຂົ້າໃຈແລະມິດຕະພາບລະຫວ່າງປະຊາຊົນຈີນກັບປະຊາຊົນປະເທດຕ່າງໆ.
|
|
|
