|
31ແຂວງກຳແພງນະຄອນແລະເຂດປົກຄອງຕົນເອງຂອງຈີນໄດ້ໃຊ້ມາດຕະການແຊກແຊງລາຄາສິນຄ້າຊົ່ວຄາວແລ້ວ
cri
ຕາມຂ່າວສານຊິນຮວາ,ວັນທີ31ມັງກອນນີ້,ຄະນະກຳມະການການພັດທະນາແລະການປະຕິຮູບແຫ່ງລັດຈີນປະກາດວ່າ,ນັບມາຮອດວັນທີ26ມັງກອນນີ້,31ແຂວງ ເຂດປົກຄອງຕົນເອງແລະກຳແພງນະຄອນຂອງຈີນໄດ້ປະກາດໃຊ້ມາດຕະການແຊກແຊງລາຄາສິນຄ້າຊົ່ວຄາວແລ້ວ.
ນັບແຕ່ເດືອນສິງຫາປີກາຍມານີ້,ລາຄາສິນຄ້າບໍລິໂພກຂອງຈີນໄດ້ເພີ່ມຂຶ້ນຫຼາຍກວ່າ6%ໃນ5ເດືອນລຽນຕິດ.ບາງວິສາຫະກິດສວຍໂອກາດຂຶ້ນລາຄາ,ລາຄາສິນຄ້າທີ່ບໍ່ສົມເຫດສົມຜົນໄດ້ກະທົບເຖິງຄວາມສະຫງົບຂອງສັງຄົມ.ວັນທີ16ມັງກອນນີ້,ຄະນະກຳມະການການພັດທະນາແລະການປະຕິຮູບແຫ່ງລັດຈີນປະກາດວ່າ,ຈີນຕົກລົງໃຊ້ມາດຕະການແຊກແຊງລາຄາຊົ່ວຄາວຕໍ່ສິນຄ້າສຳຄັນສ່ວນໜຶ່ງ.ສິນຄ້າເຫຼົ່ານີ້ລວມມີສະບຽງອາຫານພ້ອມດ້ວຍຜະລິດຕະພັນອາຫານ,ນ້ຳມັນພືດ,ຊີ້ນໝູ ຊີ້ນງົວແລະຊີ້ນແກະພ້ອມດ້ວຍຜະລິດຕະພັນ,ນົມ,ໄຂ່ໄກ່ແລະແກັສເປັນຕົ້ນ.
|
|
