|
|
 |
| (GMT+08:00)
2008-02-01 16:51:00
|
 |
|
ຈີນຮັບປະກັນການຜະລິດຢາປົວພະຍາດໃນໄລຍະຕ້ານໄພແລະກູ້ໄພ
cri
Author: da
ຕາມຂ່າວCRI: ວັນທີ1ກຸມພານີ້ ຢູ່ປັກກິ່ງ ນາງອຽນຈ່ຽງອີ່ງ ໂຄສົກຖະແຫຼງຂ່າວຂອງກົມອາຫານແລະຢາແຫ່ງຊາດຈີນກ່າວວ່າ,ພາກສ່ວນທີ່ກ່ຽວຂ້ອງຂອງຈີນພວມໃຊ້ມາດຕະການ,ເພື່ອຮັບປະກັນການຜະລິດຢາປົວພະຍາດໃນໄລຍະຕ້ານໄພແລະກູ້ໄພ.
ໂດຍແນໃສ່ສະພາບໄພຫິມະຕົກໜັກຢູ່ພາກໃຕ້ຂອງຈີນໃນຫວ່າງມໍ່ໆນີ້,ນາງອຽນຈ່ຽງອີ່ງກ່າວວ່າ,ກົມອາຫານແລະຢາແຫ່ງຊາດໄດ້ເລີ່ມປະຕິບັດກົນໄກສຸກເສີນ,ເຮັດວຽກການຜະລິດແລະສະໜອງຢາແລະເຄື່ອງປິ່ນປົວໃຫ້ດີ,ຮັບປະກັນການສະສົມແລະ ສະໜອງຢາແກ້ຫວັດ ຢາປົວບາດແຜຍ້ອນໜາວຫຼາຍ ແລະຢາແກ້ລົງທ້ອງ; ນອກນີ້,ຍັງເພີ່ມທະວີການຕິດຕາມກວດກາຢາປິ່ນປົວພຍາດແລະອາຫານ,ໂດຍສະເພາະແມ່ນປ້ອງກັນບໍ່ໃຫ້ເກີດເຫດການຄວາມປອດໄພຍ້ອນອາຫານຢູ່ສະຖານີລົດໄຟ ທາງຫຼວງແລະບ່ອນມີຄົນຫຼາຍຢ່າງເຄັ່ງຄັດ.
ນັບມາຮອດວັນທີ29ມັງກອນແລ້ວນີ້,ໄພຫິມະຕົກໜັກໄດ້ເຮັດໃຫ້ແຂວງເຈີ້ຈ່ຽງແຂວງຈ່ຽງຊູ່ແລະແຫ່ງອື່ນໆລວມ17ແຂວງປະສົບໄພທຳມະຊາດໃນລະດັບຕ່າງກັນ.
|
|
|
