|
ຕາມຂ່າວສານຈີນ: ວັນທີ 1 ກຸມພານີ້, ເຈົ້າໜ້າທີ່ພະແນກທ່ອງທ່ຽວແຂວງຢຸນນານໄດ້ກ່າວຢູ່ນະຄອນຄຸນມິງວ່າ, ປີນີ້ ແຂວງຢຸນນານຈະສະເໜີແຜນການທ່ອງທ່ຽວງານກິລາໂອລິມປິກ ເນື່ອງໃນໂອກາດຈັດງານກິລາໂອລິມປິກປັກກິ່ງໃນເດືອນສິງຫາ. ງານກິລາໂອລິມປິກຄັ້ງທີ 29 ຈະຈັດຂຶ້ນຢູ່ທີ່ປັກກິ່ງໃນເດືອນສິງຫາປີນີ້, ເພື່ອສົມທົບກັບງານກິລາທີ່ມີຂະໜາດໃຫຍ່ກວ່າໝູ່ແລະມີຜົນສະທ້ອນກວ້າງຂວາງກວ່າໝູ່ໃນທົ່ວໂລກ, ແຂວງຢຸນນານຈະສະເໜີແຜນການທ່ອງທ່ຽວໃນໄລຍະງານກິລາໂອລິມປິກ.
ພາຍຫຼັງເລີ່ມດຳເນີນແຜນການທ່ອງທ່ຽວງານກິລາໂອລິມປິກ, ແຂວງຢຸນນານຈະແຈກຢາຍ "ງານກິລາໂອລິມປິກຈີນ--ປັດສະໂປທ່ອງທ່ຽວແຂວງຢຸນນານ" ໃຫ້ນັກທ່ອງທ່ຽວ, ຖ້ານັກທ່ອງທ່ຽວຖືປັດສະໂປດັ່ງກ່າວໄປທ່ຽວຢູ່ແຂວງຢຸນນານ ຈະໄດ້ຮັບລາຄາພິເສດ. ພ້ອມກັນນັ້ນ, ແຂວງຢຸນນານຍັງຈະຕ້ອນຮັບນັກກິລາຂອງປະເທດຕ່າງໆທີ່ຊີງໄດ້ຫຼຽນຄຳໃນງານກິລາໂອລິມປິກປັກກິ່ງໂດຍບໍ່ເກັບຄ່າ.
|
