|
ບໍລິສັດຂ້າມຊາດສ້າງຕັ້ງອົງການຄົ້ນຄວ້າພັດທະນາ1160ແຫ່ງຢູ່ຈີນ
cri
ຕາມຂ່າວສານຊິນຮວາ,ຕາມຕົວເລກຂອງກົມທຶນຕ່າງປະເທດກະຊວງການຄ້າຈີນ,ນັບມາຮອດທ້າຍປີ2007,ບໍລິສັດຂ້າມຊາດໄດ້ສ້າງຕັ້ງອົງການຄົ້ນຄວ້າພັດທະນາ1160ແຫ່ງຢູ່ຈີນ.
ຕາມການສຳຫຼວດຂອງອົງການພັດທະນາການຄ້າຂອງສະຫະປະຊາຊາດ,ຈີນຍັງແມ່ນປະເທດທີ່ບໍລິສັດຂ້າມຊາດໃນໂລກເລືອກກ່ອນໝູ່ເພື່ອດຳເນີນກິດຈະກຳຄົ້ນຄວ້າພັດທະນາ.ໃນນັ້ນ,ບໍລິສັດຂ້າມຊາດມີ60%ຂຶ້ນໄປເລືອກເອົາຈີນເປັນປະເທດອັນດັບໜຶ່ງເພື່ອຕັ້ງອົງການຄົ້ນຄວ້າພັດທະນາໃນລະຫວ່າງປີ2005ຮອດປີ2009.ປັດຈຸບັນ, ສະພາບທຸລະກິດຂອງວິສາຫະກິດທຶນຕ່າງປະເທດຢູ່ຈີນດຳເນີນໄປດ້ວຍດີ,ໄດ້ຮັບປະສິດທິຜົນທາງສັງຄົມຢ່າງເດັ່ນຊັດ,ເຊິ່ງໄດ້ປະກອບສ່ວນຢ່າງໃຫຍ່ຫຼວງເຂົ້າໃນການພັດທະນາເສດຖະກິດຈີນ.
ຂ່າວແຈ້ງວ່າ,ປີນີ້, ຈີນປະກາດໃຊ້ກົດໝາຍອາກອນລາຍໄດ້ຂອງສິສາຫະກິດສະບັບໃໝ່ຢ່າງເປັນທາງການ,ວິສາຫະກິດຂະແໜງການເຕັກນິກສູງໃໝ່,ພື້ນຖານໂຄງລ່າງ,ກະສິກຳປ່າໄມ້ການລ້ຽງສັດການຜະລິດສຳຮອງ,ການອະນຸລັກສິ່ງແວດລ້ອມ,ການຜະລິດຢ່າງປອດໄພແລະອື່ນໆຈະໄດ້ຮັບສິດທິພິເສດດ້ານການເສຍສ່ວຍສາອາກອນ.ພ້ອມກັນນັ້ນ,ຈີນໄດ້ເປີດກວ້າງຂົງເຂດໄຂປະຕູສູ່ພາຍນອກຕື່ມອີກ,ຂະແໜງການບໍລິການໃຫ້ພາຍນອກຮັບເໝົາແລະອຸດສາຫະກຳທີ່ຢູ່ພາກກາງແລະພາກຕາເວັນຕົກຈະກາຍເປັນຂົງເຂດໃໝ່ທີ່ດຶງດູດທຶນຕ່າງປະເທດ.
|
|
