|
|
 |
| (GMT+08:00)
2008-02-11 17:35:23
|
 |
|
ຈີນຍົກເວັ້ນໜີ້ສິນທີ່ເຖິງເວລາກຳນົດ370ກວ່າລາຍຂອງ49ປະເທດ
cri
ຕາມຂ່າວສານຊິນຮວາ,ຫວ່າງມໍ່ໆນີ້,ກະຊວງການຄ້າຈີນແຈ້ງຂ່າວວ່າ,ນັບມາຮອດທ້າຍປີກາຍນີ້,ນັບລວມແລ້ວ,ຈີນໄດ້ຍົກເວັ້ນໜີ້ສິນລັດຖະບານທີ່ເຖິງເວລາກຳນົດ370ກວ່າລາຍຂອງ49ປະເທດທີ່ທຸກຍາກແລະດ້ອຍພັດທະນາທີ່ສຸດໃນອາຟິຼກກາ ອາຊີພ້ອມດ້ວຍພາກພື້ນ ກາລາອິບແລະມະຫາສະໝຸດປາຊີຟິກໃຕ້.
ກະຊວງການຄ້າຈີນແຈ້ງໃຫ້ຊາບວ່າ,ເລີ່ມແຕ່ປີ1950ເປັນຕົ້ນມາ,ຈີນເລີ່ມໃຫ້ການຊ່ວຍເຫຼືອແກ່ຕ່າງປະເທດ.ອີງຕາມຄວາມສາມາດຂອງຕົນ,ລັດຖະບານຈີນໄດ້ໃຊ້3ວິທີຄືການຊ່ວຍເຫຼືອລ້າ,ປ່ອຍເງິນກູ້ໂດຍບໍ່ຈ່າຍດອກເບັ້ຍແລະເງິນກູ້ດອກເບັ້ຍຕ່ຳ ສະໜອງການຊ່ວຍເຫຼືອໃຫ້ແກ່160ກວ່າປະເທດໃນອາຟິຼກກາ ອາຊີ ເອີລົບຕາເວັນອອກ ອາເມລິກາລາຕິນແລະພາກພື້ນມະຫາສະໝຸດປາຊີຟິກໃຕ້.ເພື່ອຊ່ວຍເຫຼືອປະເທດເຫຼົ່ານີ້ເພີ່ມຄວາມສາມາດພັດທະນາດ້ວຍຕົນເອງ,ໃນໄລຍະດົນນານມານີ້,ລັດຖະບານຈີນໄດ້ໃຫ້ຄວາມສຳຄັນຕໍ່ວຽກງານອົບຮົມໃຫ້ຕ່າງປະເທດຕະຫຼອດມາ.ນັບມາຮອດປັດຈຸບັນ,ໄດ້ມີເຈົ້າໜ້າທີ່ ພະນັກງານບໍລິຫານແລະນັກວິຊາການ1ແສນຄົນມາຈີນເຂົ້າຮ່ວມການສຶກສາອົບຮົມ.ນອກນີ້,ໂດຍຕອບສະໜອງຕາມຄວາມຮຽກຮ້ອງຂອງປະເທດທີ່ຮັບການຊ່ວຍເຫຼືອ,ຈີນໄດ້ສົ່ງໜ່ວຍປິ່ນປົວຊ່ວຍເຫຼືອໄປປະເທດພວມພັດທະນາສ່ວນໜຶ່ງຕະຫຼອດມາ.ນັບແຕ່ປີ1963ມານີ້,ໄດ້ສົ່ງພະນັກງານແພດໝໍປະມານ2ໝື່ນເທື່ອຄົນໄປ65ປະເທດແລະເຂດແຄວ້ນ.
|
|
|
